In nomine domini amen, cum omnium elemosinarum summam ostenderit elemosinam deus hospitali suo quolibet precipue exerceri, quare plu:|rimorum remediis arbitrantur prelocis ceteris esse dignis respectura. Ex hec omnibus futuris quam presentibus presente littera cupio fore notum, quod ego Ch(vnradus) dictus de Paulstorf curiam meam sitam in Swarzenuelt cultis et incultis, quesitis et inquisitis cum omnibus attinenciis hospitali sancte Katherine Rat(ispon)e in pede pontis pro XLVIa libris denariorum Rat(isponensium) proprietatis articulo liberorum meorum, videlicet Ch(vnradi) dicti de Teinnensperg et Ch(vnradi) dicti generi marschalchi de Lengenuelt, respecta dei minima vendidi pre domibus aliis optiam voluntate. Ad hanc convencionem videlicet uxorem meam Angnetem nomine vocitatam scriptis presentibus pro pueris quos mecum (?) habere dicitur tempore nec instanti profiteor manu propria collaudasse, ut talis personam pueri resingnacionis acreverint dingniorem (!) prefatam curiam ipsa scilicet domina statim de pueris debeat facere resingnatam, quod sit in posterum sine omni puerorum predictorum seu hominum aliorum impungnacione sepedicta curia in hospitali perseverare valeat liberata, per X annorum et unius diei terminum me ipsum promitto curie fore caucius defensorem. Si autem tempus predictum vixerim non finitus predictos liberos meos Ch(vnradus) de Teinnensperg et Ch(vnradus) generum marschalchi de Lengenuelt pro caucione predicte curie porrigenda ipsi hospitali obligabo pro terminum supradictum rationabiliter responsuros. Ut hec rata permaneant et inconfulsa sigilli mei munimine tradidi certius communiri litteram presentatam. Testes sunt hii: Karulus de Aue magister civium, Liupoldus Ericius, Hænr(i)cus (!) Dens, magister hospitalis frater Ch(vnradus) de Hærtting et alii quam plures. Datum Rat(ispon)e anno domini Mo CoCo nonagesimo, sequenti die post Affre.