Noverint universi presentem litteram inspecturi vel etiam audituri, quod ego Hainricus dictus de :| Næitstain una cum Vlrico iuveni marschalco gwerram et contencionem habitam inter fratres hospitalis sancte Katherine in pede pontis Ratispo(n)e ex una parte et Bernherum filium Hainrici de Runsbach ex altera parte pro quadam curia sita in Runsbach, amicabili discussimus penitus seu finivimus composicione. Insuper predictus Wernherus omne ius suum in predicta curia una cum fratribus et sororibus et omnibus suis heredibus liberaliter coram nobis resignavit et solute. Et predictus Wernherus non solum coram ipsis fratribus, verum eciam coram personis ydoneis et honestis est professus, quod iam dicta curia hospitali sancte Katherine titulo proprietatis debeat adherere et supradictis fratribus laudabiliter compromisit, ut ipse aut heredes sui vel ceteri sui succesores iuris nichil sibi ammodo in iam dicta curia presumerent usurpare; ut hec rata et inconfulsa permaneant, presentem paginam munimine sigillorum nostrorum dedimus roboratam .. testibus subnotatis. Testes sunt: frater Fridericus de Sneberch, frater Chvnr(adus) clavier, frater Wæinmarus, Hainricus de Runsbach, Otto de Chalzer, Vlricus Havsner, Chvnradus de Nittenawe, Fridericus filius suus, Albertus servus marchalci, Hainricus der Olnchover et alii quam plures fide digni. Acta sunt hec in pomario in Neitstain anno domini M CC nonag(esimo) IIIo, proxima quarta feria post festum sancti Georii.