Universis presentem litteram inspecturis. Ego Chvnradus de Paulstorf cupio fore notum, quod cum Vlricus de Zeitlaren predium situm in Chnelling solvens VI solidos denaeriorum Rat(isponensium) annuatim a me possidens iure feodali inminente sibi mortis periculo hospitali sancte Katherine Rat(isponensis) pro parte tantum media cum mea voluntate legasset racionabiliter et consensu. Frater Hæinricus de Reitelnchouven, tunc temporis existens magister hospitalis, mecum de dicto predio sic convenit, quod pro tempore vite me redditus eiusdem predii totaliter perciperem et post obitum meum ad predictum hospitale sine contradictione qualibet totum predium amplius libere pertineret. Longo tamen intervallo temporis mediante ductus instanti peticione fratris Chvnradi dicti de Hærting, magistri hospitalis, receptis ab eodem nomine hospitali IX libros denæriorum Rat(isponensium) sepefatum predium cum omnibus suis attinenciis, cultis et incultis, quesitis et inquirendis, donavi et tradidi supradicto hospitali perpetuo possidendum promittendo ettiam una cum dilecta uxore mea Agnete ac filio meo Hæinrico pro auctoribus quod vulgo dicitur gwer nos gerere et prestare pro decem annos continue secuturos . In cuius rei testimonium presens scriptum munimine sigilli mei diligenciis feci conmuniri testibus subnotatis. Testes sunt: dominus H. Romanus, frater Chvn(radus) de Nvernberch, frater Chvn(radus) de Abach, frater Weimarus, frater Wernherus, Hæinricus Schertzær, Chvnradus Rechtzær et alii quam plures fide digni. Acta sunt hec anno domini Mo CCo Nonagesimo Vo, in die beate Agathe mart(yris).