Cum ad removendam iniquorum calumniam gesta modernorum scripture testimonio debeant caucius perennari. Ego Vlricus :| de Abelsperch universis ad quos presens scriptum pervenerit cupio fore notum, quod Wernto servitor meus una cum consensu Vlrici fratris sui de Gventersdorf bona adhibita voluntate et consilio uxorum (!) ac liberorum ipsorum, videlicet Libhardi, Vlrici, Raecheri, Chvnradi, Perchtoldi, Wilbirgis, predium suum situm in Inpevnt, annis singulis persolvens II scapfas siliginis, XLa metretas avene, VI metretas tritici, totidem ordei vel denariis(?), cum omnibus suis attinenciis, quesitis et inquirendis, cultis et incultis, hospitali sancte Katherine in pede pontis Rat(isponensis) pro XVIII libris denaeriorum Rat(isponensium) vendidit proprietatis titulo sub hac forma, ut nullus heredum suorum ammodo nichil iuris in dicto predio sibi vendicet aut usurpet. Insuper Raecherus dictus de Nezzing data fide cum prefatis fratribus compromisit. Ut auctor huius vendicionis sive predii, qui vulgo dicitur gwer, per annum et unum diem contra singulos inpetentes existere non recuset et quocumque certamine seu inpugnacione predium superius nominatum fuerit obvolutum, Raecherus de Nezzing, cum prenominatis fratribus sine quolibet gravamine hospitalis tenetur facere penitus absolutum. In cuius rei testimonium presentem litteram mei dedi sigilli robore communitam testibus subnotatis. Testes sunt: Fridricus Waltenhofaerius, Goetfridus Salbechus, Chvnradus de Rvet, Vlricus Prvnnaerius, Vlricus Prunner dominus plebanus de Woluerstorf et alii quam plures fidedigni. Acta sunt hec anno domini Mo CC nonagesimo VIo, in conversione sancti Pavli apostoli.