Notum sit omnibus tam presentibus quam futuris presentem litteram inspec- :I turis, quod ego Ditericus et Ditherus frater meus dicti de Hæhsenakher unanimi voluntate et cum consensu pleno uxorum nostrarum Dimvdis videlicet et Elspetis necnon aliorum heredum nostrorum vendidimus, confratribus hospitalis in pede pontis Ratispone bratum nostrum apud Alten Hæhsenakher situm, quod in vulgo Tollenhofær nomine dicitur, iusto proprietatis titulo pro novem libris denariorum monete Rat(isponensi) tam racionabili discretione, quod nos dictorum confratrum propugnato res et ex planatores, qui in vulgo gewer dicuntur, debemus esse dicti brati, contra omnes nostros heredes presentes et futuros ac quoscumque impetitores eiusdem. Quod si non fecerimus, ex tunc Jordanus de Talbevnt et Hiltprandus de Hintzenhavsen moniti a confratribus supradictis in foro Ritenbvch se recipere sine qualibet contradicione in obstagio tenebuntur non exituri usque ad plenam et debitam prescripta condicione satisfactionem ab eodem. In cuius rei testimonium presentem dicti hospitalis confratribus dedimus litteram sigillorum nostrorum robore ac subnotationem testium communitam, qui interfuerunt emcioni supradicte: Ræhwinus de Peirstorf, Vlricus de Peirstorf, Vlricus de Hagenhvel, Heinricus de Tevzzing, Chvnradus Chaste de Hæhsenakher, Chvnradus schatz de Ritenbvrch, Ditericus Cheglær, Heinricus Mehtnær et Vlricus Pschvedir et alii quam plures. Actum anno Mo CC LXXXXo VI, quarta feria post Oculi.