Ego Karolus dictus Chratcær, civis Ratisponensis, profiteor per presentes, quod cum ego a domino Hiltprando venerabilis preposito in :I Ror et suo conventu quasdam areas in civitate Ratisponense et extra sitas de consensu et beneplacito reverendi in Christo patris et domini mei domini Cvnradi Ratisponensis episcopi pro centum et duabus libris denariorum Ratisponensium proprietatis tytulo comparassem et in eisdem habuissem plenam potestatem instituendi et destituendi et dandi personam seu personas in ipsis ita, sicut dictus dominus prepositus et suus conventus ante tempus vendicionis habuit liberam facultatem, dummodo instituciones seu donaciones personarum in una area aut pluribus facte per me sint, antequam ipse aree per reempcionem ad prefatum dominum prepositum et suum conventum devoluantur, cum in vendicione mihi facta reempcionis conditio sic inserta. Et quia ex vendicione huiusmodi, ut est premissum, mihi potestas libera competebat, contuli nomine hospitalis sancte Katherine in pede pontis Ratisponensis duos ortos, qui fuerunt de numero arearum mihi venditarum, sitos altera parte pontis ante portam fori, quos etiam Alhardus Dulcis et sui heredes quondam a dicta Rorense ecclesia iure precario, quod leipting dicitur tenuerunt fratri Heinrico de Peirching, professo eiusdem hospitalis et sorori Agnete ibidem dicte de Nȅrnberch sub censu quinquaginta denariorum Rat(isponensium) usualium, quorum solvit dictum hospitale XXXV denarios pro censu et XV denarios Ratisponenses pro decima michi in die beati Emmerammi sub pena civili Ratisponensis civitatis quamdiu a me reempti non fuerint, annuatim ad ipsorum vivere tantum possidendos. Si vero per predictum dominum prepositum et suum conventum prescripti ortti reempti fuerint, extunc prenotatus census predicte Rorensis ecclesie verum (?) per dictum hospitale in deputato termino et sub pena prescripta assignabitur annuatim. Huius rei testes sunt: dominus Otto de Chrondorf, Rȅdgerus iudex curie, Heinricus Scherczær, Alberttus Mȅschær, frater Syboto, frater Chvnradus de Nȅrnberch, Heinricus dyaconus de Ror, Chvnradus pfister, Reimboto famulus meus et alii quam plures fide digni. In cuius rei testimonium ipsis dedi presens scriptum sigillo dicti domini mei prepositi et meo roboratum. Datum Ratispone anno domini Mo CCCo secundo, in die beatorum Cordiani et Epimachi.