Nos frater Chunradus magister hospitalis ac universitas fratrum eiusdem conventus beate Katherine :| in pede pontis Ratispone presentibus profitemur, quod Perhtoldus vinitor a) duas curias sitas in T/otnaker intuitu divine remuneracionis hospitali donavit tali interposito condicione, ut annis singulis eo die quo de hoc seculo migraverit, aut alia die in ebdomoda competente anniversarius ipsius Perhtoldi vigiliis et missarum sollempniis celebretur et eodem die pro consolacione infirmis simule, vinum ac duo fercula carnium ministrentur. Item ad veterem capellam ecclesiasticis eodem die duo denarii donabuntur, quocumque vero anno predicta statuta adinpleta non fuerint, dictarum curiarum proventus eiusdem anni ad supradictam ecclesiam sancte Marie in veteri capella tenebimur ministrare. In cuius rei testimonium presentem damus litteram sigilli nostri munimine roboratam. Testes huius rei sunt: dominus Heinricus de Sh/utenhouen, dominus Heinricus de Peirching, sacerdotes, frater Chunradus de N/urnberch prepositus, frater Syboto, frater Wernherus Lapitida, frater Chunradus de Pilsting, frater Chunradus celerarius, frater Heinricus de Asschach, frater Heinricus de Chesching, frater Vunnarus et alii quam plures fide digni. Acta sunt hec anno domini Mo CCCo secundo, in die beate Potenciane virginis.