Ich Heinreich von Awe, probst vnd gewaltiger richter ze Regenspurch, vergich vnd tuen chvnt allen den, die disen :I brief ansehent oder horent lesen, daz f/ur mich cham Fridreich von Weinting vnd Percht, Wolfhartz havsfrawe, do ich sazz an offem gericht vnd nomen in pedenthalben vorsprechen vnd pat Fridreich von Weinting gerichtz hintz frawen Perchten vmb einen cheler, do si in an irrt vnd do si einen leip an gewunnen hiet vber in an dem cheler, der da gelegen ist vnder dem messerhauzz an der H/avbort, dezselben solt si lavgen oder jehen. Do sprach vern Perchten vorsprech, dez wa'r si gar vnschuldich vnd pat vragen, waz recht wa'r, do fragt ich waz recht wær, do erteilten die erbern hausgnozzen beret v(er) Percht, daz si Fridreichen nicht geirrt hiet, noch dheinen leip vber in gewunnen hiet, dez solt si geniezzen. Do cham der maister von dem spital vnd pat im ein vrteil lazzen weren, er h/ort einen cheler da r/uren, der wa'r dez spitals aigen vnd swaz si mit einander gerechten, dez solt daz spital dhein engeltn/uzz haben, daz gab volg vnd vrteil, do beret ver Percht als recht waz, daz si in nicht geirrt hiet noch dheinen leip vber in gewunnen hiet an dem cheler. Do pat im der Fridreich ein vrteil lazzen weren seint ver Percht beret hiet, daz si in nicht geirrt hiet vnd dheinen leip vber in gewunnen hiet, er solt furbaz dez chelerz wol mit r/u siczen, daz gab im volg vnd vrteil, do pat im Fridreich ein vrteil lazzen weren, ich solt im dirr berichten sache, wol meinen brief geben, do vragt ich, ob ich daz tuen solt, do erteilten die erbern hausgenozzen, ich gab im dirr berichten sache wol meinen brief vnder meinem insigel versigelt, daz geschach als recht waz. Darnach cham der maister von dem spital f/ur mich, do ich sazz an offem gericht vnd Fridreich von Weinting vnd namen in pedenthalben vorsprechen vnd pat der maister gerichtz hintz Fridreichen von Weinting vmb einen cheler, der daz spital angehort vnd der gelegen war vnder dem mezzerhauzz an der Hævbort, do er daz spital an irrt vnd hort nicht gern, waz er darauf ze sprechen hiet. Do sprach Fridreichz vorsprech, vmb denselben cheler solt er dem maister nicht antwurten, do sprach dez maister vorsprech warvmb, do sprach Fridreichz vorsprech, er hiet vber dazselb hauzz vnd swaz darz/u gehort ein hantfest vnd einen gerichtbrief vnd pat vragen, waz recht wær, do vragt ich, waz recht wær, do erteilten die erbern havsgnozzen, div hantfest vnd der brief chomen f/ur vnd darnach gescha'ch, swaz recht wa'r, do cham div hantfest vnd der brief f/ur vnd wurden gelesen, do sprach dez maisterz vorsprech, nach der hantfest vnd nach dem gerichtbrief solt er dem Fridreichen nicht antwurten, do sprach dez Fridreichz vorsprech warvmb, do sprach dez maisterz vorsprech, da sagt div hantfest noch der grichtbrief nichtez, dez daz spital dhein engeltnuzz solt haben an dem vorgnanten cheler, do pat im der maister ein vrteil lazzen weren seint, div hantfest noch der gerichtbrief nichtez sagt, dez daz spital engelten solt, ez solt daz spital dez vorgnanten chelerz vor Fridreichen wol mit ru siczen, do vragt ich, waz recht wær, do erteilten die erbern havsgnozzen seint div hantfest noch der gerichtbrief nichtez sagt, dez daz spital engeltnvzz solt haben, ez solt daz spital dez offtgenanten chelerz nv wol mit r/u siczen vor Fridreichen, do pat im der maister ein vrteil lazzen weren, ich solt dem spital dirr berichten sach wol meinen brief gebn, do vragt ich, ob ich daz tuen solt, do erteilten die erbern havsgnozzen, ich g/ab dem spital dirr berichten sache wol meinen brief mit meinem insigel versigelt , vnd dez sint gezivg: her Herwich von Awe, her Vlrich der T/vndorfær, her Alhart der S/vzz, her Levtwin der S/vzze, her Lev der a), her Seibot der Fra^denæker , Hainreich der Schyrlinger, Chvnrad vnd Arnold d/i fronpoten, vnd daz ist geschehen da von Christz gep/vrt waren dri^zehenhvndert iar in dem einliften iar an der einlifta^sent maid tag.