Ich Hainreich der pawr ze Reynhawsen, mein hawsfraw vnd all vnser erben, veriehen vnd tun chunt allen den, di den brif an:Isehent oder h/ornt lesen, daz vns her Fridreich der Slaikch, zu den zeiten maister dez spitals sand Katrein, an dem f*uzz der prukk ze Regens(purch), vnd di samnung doselben von iren genanden lazzen habent iren vnd irs spitals aygen ledigen weyngartten, der gelegen ist ze Reynhawsen, genant der Gern, von liechtmess di nochst hin ist, /vber sechs gantzzew jar di nochst nacheinander chomment, daz wir in den trewleich vnd wesenleich pawen vnd arbaiten s/ullen mit allen sachen on allen iren schaden. Ez ist auch ze wizzen, daz wir in von dem vorgenanten weingartten j/arleichen drey emer vorauz geben solten; nu habent si vns di genad getan vnd habent vns j/arleich zwen emer lazzen, daz wir in allew jar nur ain emer vorauzz geben s/ullen vnd darnach s/ullen wir in yeden dritten emer geben, als vil dez weins wirt, trewleichen on allez geu/ar. Wir haben in auch gehaizzen vnd gelobt mit vnsern trewn, daz wir in di vorgenanten sechs jar allew jar j/arleich zwaitausent guter stokch in den vorgenanten weingartten schiezzen s/ullen vnd gut ertreich darein tragen, vnd di p/osen stokch darauz ra/utten vnd mit allen sachen wesenleich vnd p/awleich halten, als recht ist, on allen iren schaden, vnd s/ullen auch j/arleich in ir stift chommen vnd irer stift recht tun. W/ar aber, daz wir nicht gut paul/aut w/aren vnd in nicht allez daz stat hielten vnd volfurten waz an dem brif verschriben ist, oder ob wir dhainerlay ander sach wider si handelten oder t/aten, so habent si vollen gewalt vns ze uerchern mit andern paul/awten, welhez jars si wellent, so s/ullen wir ledichleich davon varen, on allen chrieg vnd widerred. Vnd wann di vorgenanten sechs jar auzchoment vnd vergangen sind, so s/ullen wir in iren vorgenanten weingartten vnd waz darzu geh/ort, p/awleichen vnd wesenleichen ligen lazzen, als verre, daz wir noch all vnser nachkommen darauf noch darnach dhain ansprach noch vodrung, noch pawrecht nicht haben noch gewynnen s/ullen, noch enm/ugen, weder mit gaistleichem noch werltleichem rechten, noch on recht, noch anders yemant von vnsern wegen in dhainerlay weis. Vnd vmb wew wir oder vnser nachkomen dar/vber mit in chriegten oder rechten, mit gaistleichem oder werltleichem rechten, oder on recht, daz s/ullen si allez behabt haben vnd wir verlorn haben, on all widerred. Daz in vnd irem spital, daz allez also stet vnd vnzebrochen beleib, darvber zu vrchund geben wir in den brif versigelten mit hern Wernten dez Saln/ar, zu den zeiten richter in der vorstat zu Regens(purch) insigel, daz er an den brif gelegt hat nach vnsrer vleizz(igen) pet, im on schaden vnd der herren vogtey vnd stewr vnenkolten, darvnder wir vns vnuerschaidenlih verpinden mit vnsern trewn stet ze halten, waz an dem brif verschriben ist. Dez sind gezeug: Peter der schreiber vnd Ott der Tumair, ped dez spitals bereiter, vnd Chunrat der W*utzenhofer vnd ander erweriger l/aut ein michel tail. Daz ist geschehen nach Cristi gepurtt drewtzehenhundert jar vnd in dem viervndsybentzigisten jar dez nochsten eritagz vor pfingsten.