Ich Hainreich der Pl/appsch ze Honhaym vergich offenleich mit dem brif, daz mir herre Fridreich der :I Slaykch zu den zeiten maister dez spitals sand Katrein an dem fuzz der prukk ze Regenspurch vnd gemaynleich di samnung doselben von iren genadn lazzen habent ir zwen /akcher gelegen ze H/onhaym, di weilent Hayndel dez Schyferleins aydem von Regens(purch) von in hat vnd einen gartten doselben, der weilent ein hofstat waz auf mein ayns leib diweil ich leb nach leibtingez recht, mit der beschaiden, daz ich in vnd irem spital allew jar j/arleich davon ze zins geben vnd raichen sol von den vorgenanten /akchern viervndzwainczikch pfenig, vnd von dem vorgenanten gartten zwelf pfenig allez yr an sand Michels abent oder an seinem tag on allen abgankch, vnd welhez jares ichtn denselben zins vers/azz ye als offt sol ich in denselben zins, darnach in den nochsten acht tagen geben mit der zwispild, on allen chrieg vnd widerred. Vnd ob ich in di zwispild auch vers/azz, so pin ich ze durchslecht geschaiden vnd geuallen von dem vorgenanten leibting vnd von allen den rechten di si mir daran lazzen heten, daz si di vorgenanten /akcher vnd den gartten f/urbaz lazzen m/ugen wem si wellent,als verre daz ich vorgenanterHainreich der Pl/appsch noch all mein erben vnd nachkommen darauf noch darnach dhain ansprach noch vodrung nicht mer haben s/ullen, vnd wann ich vorgenanter Hainreich der Pl/appsch nicht mer enpin, so sind in vnd irem spital di vorgenanten akcher vnd der gartten ze durchslecht ledig vnd loz worden, on all ansprach vnd widerred, vnd welhez jare ich in iren vorgenanten zins vers/azz, als voruerschriben ist, daz s/ullen vnd m/ugen si von mir vnd von aller meiner hab bechomen wann vnd wie si wellent. Daz in vnd irem spital daz allez also stet vnd vnzebrochen beleib, dar/vber zu einem vrchund, gib ich in den brif versigelten mit hern Pfillippen dez Mawshaymer, zu den zeiten richter ze Chelhaym insigel, daz er an den brif gelegt hat nach meiner vleizzen pet, der sach zu einer gezewkchn/uzz im vnenkolten, darvnder ich mich verpind mit meinen trewn stet ze halten waz an dem brif verschriben ist. Dez sin ze*ug vnd taydinger gewesen: Albrecht der H/onhaymer; Ott der Tumair, dez spitals beraiter vnd Jacob der Ch/ursner, purger ze Regens(purch). Daz ist geschehen nach Christi gepurtt drewczehenhundert jar vnd in dem viervndsibenczgisten jar dez nochsten mitichen vor sand G/orgen tag.