Ich Eglolf, Sighart vnd Karl die Eglolfshaim/ar, t*vn chvnt :I allen den, di disen brif sehent oder h/orent lesen, daz wir vns des vogtrehtes, daz wir haben gehabt /vber di æchker, di in den hof ze Prvkk gehorten vnd di, di spitalær ze Regenspvrch von vnserem herren, dem abt Wilhalm vnd von der samnvng ze Pr/vl gechavft habent aigenlich verzigen haben vnd ovch avf haben gegeben in vnseres herren hant, des erbærigen bischof Chunrades von Regenspvrch, also daz wir noch alle vnser erben di izvnt lebent oder di noch ch/vnftich werdent, nimmer mer dehain ansprach daravf s/vlen haben. Vns habent ovch di genanten Pr/vlær dazselb vogreht mit anderem g*vt widerleit als div hantvest hat di in vnser genanter herre der bischof dar/vber gegeben hat. Vnd daz di vorgeschriben spitalær nimmer mer an werden gesprochen, weder von vns noch von vnseren erben, haben wir in disen brif gegeben versigelten mit vnseren insigeln. Daz ist geschehen, do von Christes geb*vrtt waren drevczehenhvndert jar vnd ain jar an des heiligen chrævtzes tag als es fvnden ward.