Ich G/otfrit, der Schenche von der Altenpurg, vnd mein hausfrawe, ver Agenes, vnd mein :I erben, G/otfrit, Margaret vnd Chvnrat, veriehen vnd t*vn chvnt allen den, die disen brief ansehent oder h/orent lesen, daz wir vnser eigen, daz gelegen ist daz Sygershofen, daauf gesezzen ist, Heinrich der Winchelaer vnd Chvnrat der Rysman, verchauft haben fvr ein reht, fries, lediges aigen dem spital miner frawen sand Katherin, an dem f*vzze der pruke ze Regenspurch, vmb an eins neunczich pfvnt Regenspurger pfening, der si vns schon vnd erleich verriht vnd gewert habent. Auch sch/vlen wir dez vorgenanten eigens ir gewer sein, als eigens reht ist, also, daz wir oder vnser erben, oder vnser nachchomen, dehein ansprach auf daz vorgenant eigen sch/vlen haben oder gewinnen, wan ez mein gechavftes eigen gewesen ist. Daz daz sta't vnd vnzerbrochen beleib, dar/vber gewen wir in disen brief ze einem vrch/vnde versygelt mit vnserm insigel; vnd dez ist zevch: her Chvnrat, der ritter von D/vren, her Herman von Festenberch, Fridreich der Hinczenhauser vnd sein pruder Heinrich, vnd Heinrich der Willde vnd ander frumen la'ut genvnch. Daz ist geschehen da von Christes gepurt vergangen waren drevczenhvndert iar vnd in dem zehentem iar an dem weizzen svntag.