Wir bruder Johannes von Levfenstayn, ze denselben zeiten chvmptwer dacz Mospr/vnne vnd vber:Ial div gemayne der bruder desselben conuentes vnd desselben hausez, veriehen vnd tvn ch/vnt allen den, die den brief ansehent oder h/orent lesen, daz wir mit verdachtem m*ut vnd verdracht*vm, vnd mit gemaynem rat, g/vnst vnd willen, niht durch vnser n/otichait, wan daz er vns niht gelegen waz, haben verchauften vnd gebn vnsern hof datz Tauzssingen, den ersamen vnd den frvmren leuten, den br*udern von dem spital ze Regensp*urch, an dem fuezze der prukke daselben, ze velde vnd ze dorffe, gebavten vnd vngebawten, besuhten vnd vnbesuhten, vur ein vreiez ledigez aigen, vmb sehssevndzwaintzzich pf*vnt Regensp*urgaer pfenning, vnd desselben hofes schvl wir ir gewer sin, an aller der stet vnd man ez in anverttiget, als des landes reht vnd alles aigens reht ist, an allen chriech vnd widerrede. Ouch so schol der vorgenant hof gelten, alle iar siben schaf baider chorn, rokken vnd habern geleich, ein halpfvnt Regen(spurger) pfenning, vier gensse vnd ohtte h/vner, vnd vier hvner v/ur ein weisat ewichlichen. Daz der gewerft also staet vnd vnzebrochen beleibe, von vns vnd von vnsern nachomen, hab wir in den brief gegebn, versigeltn, mit vnsers ch/vmptiver vnd mit vnsers conuents insigeln. Des sint gezivge: her Hiltwein vnd her Karel, pvrigaer ze Ingolstat, Herman vnd Chvnrat von Laentfrideshofen, Herman von Hessenhofen, Heinrich der Staynhaussaer vnd Eberhart sin aidem, Chvnrat von Chessching, Otte von der Ne/vnstat, Dippeldes aidem vnd anderre frvmer levt gen*uch. Daz ist geschehen do von Christes geburtte woren tausent jar drivhvndert jar vnd in dem drittem jar an sande Marteins tage.