Is Agnes di Wayterynn, pryorynn dez gotzhawss ze Pettendorf, vnd gemainleich der conuent doselben, veriehen vnd bechennen :I offenleich mit dem brif f/ur vns vnd f/ur all vnser nachkommen allen den, di in ansehent oder h/ornt lesen, daz wir mit verayntem rat vnd mit gutem willen, vnsern vnd vnsers gotzhawss aygen ledigen hof, der gelegen ist ze Haslach, vnd waz darzu geh/ort, ze veld vnd ze dorff, ze holcz, ze wys, ze wazzer vnd ze wayd, vnd wie ez genant ist, besucht vnd vnbesucht, derselb hof j/arleichen gilt vier schaf chorns vnd zway schaf habern Regenspurger mazz, vnd sechczikch Regens(purger) pfenning wisgelcz, sechs h/uner vnd hundert ayr, mit allen ern, rechten vnd n/utzzen, als wir den hof selben inn gehabt haben, nichtz auzgenommen, recht vnd redleichen ze durchslecht verchawfft vnd geben haben als chawffez recht ist, dem erwerigen gaistleichen herren, hern Hainreichen, dem brobst dez gotzhawss zu sand Manng in der vorstat ze Regenspurch, vmb drewvndzwainczikch pfunt Regenspurger pfenning seins aygen gelcz, der er vns verricht vnd gewert hat mit beraiten pfenning, gar vnd gentzleich, on allen vnsern schaden, vnd di wir zu vnsers gotzhaws anligenter notd/urfft n/utzleichen angelegt haben. Wir haben auch in dez vorgenanten hofs mit aller zugeh/orung gewaltig getan vnd gesetzzt in nutz vnd in gewer, vnd haben im di brif vnd vrchund, di wir dar/uber gehabt haben, eingeantwurtt vnd geben, vnd verzeihen vns auch dez allez ze durchslecht mit dem gagenb/urttigen brif, als verre daz wir noch all vnser nachkommen, darauf noch darnach dhain ansprach noch vodr/ung nicht mer haben noch gewynnen s/ullen, noch enm/ugen, weder mit gaistleichem noch werltleichem rechten, noch on recht, chlain noch groz, noch anders yemant von vnsern noch von vnsers gotzhawss wegen. Vnd ob wir oder yemant anders dhainerlay brif oder vrchund inn hieten oder f/urpr/achten, di /uber den vorgenant hof vnd waz darzu geh/ort sagten, di im daran geschaden m/ochten, wo oder von wem di f/urchomment, dy s/ullen all ab vnd tod sein, vnd nicht chraft haben wider den gagenb/urttigen brif. Darzu haben wir im auch gehaizzen vnd gelobt mit vnsern trewn, daz wir im den vorgenanten hof mit aller zugeh/orung versten vnd versprechen s/ullen, vnd wellen, mit dem rechten f/ur allen irresal als freys aigens vnd dez landez, vnd der hofmarch recht ist, do der vorgenant hof inn gelegen ist, on allen seinen schaden. T/aten wir dez nicht, welhen schaden er dez nympt den er gesprechen mag bey seinen trewn, on all beredn/uzz, denselben schaden allen, mit sambt dem haubtgut, s/ullen wir im abtun vnd widerchern, vnd er vnd sein helff/ar s/ullen vnd m/ugen auch dez allez an aller stat von vns vnd von vnserm gotzhaws, vnd von aller der hab, di wir vnd vnser gotzhaws haben, wie di genant ist oder wo di gelegen ist, besucht vnd vnbesucht, bechommen, mit gaistleichem oder werltleichem rechten, wann vnd wie si wellent, daz wir noch vnser gotzhaws, noch all vnser hab, weder fridez noch gelaittez, noch dhainer besundern genaden, freyung noch rechten, di wir oder vnser gotzhaws von b/absten oder von bischofen, von vnsern stifft/arn oder von andern gaistleichen oder werltleichen f/ursten, oder von ir amptla/uten, oder von den lantherren hieten oder gewunnen daran nicht geniezzen s/ullen noch dhainerlay ander sach ze wartt haben werben noch f/urziehen s/ullen, noch enm/ugen, domit der gagenb/urttig brif bechrenkchet m/ocht werden. Als wir im daz allez vnuerschaidenleich zueinander gehaizzen vnd gelobt haben mit vnsern trewn vnd mit vnsrer gehorsam, on allez geu/ar; vnd ob wir oder vnser nachkommen, oder yemant anders von vnsers gotzhaws wegen dar/uber mit im chriegten oder rechten, mit gaistleichem oder werltleichem rechten, oder on recht, daz sol er allez behabt haben vnd wir verlorn haben, daz dem vorgenanten hern Hainreichen, dem brobst ze sand Mang oder wer den brif von seinen wegen pey im lebentig oder nach seinem tod inn hat vnd f/urbringt. Daz allez also stet vnd vnzebrochen beleib, dar/uber zu einem vrchund vnd zu einer bestetichait, geben wir im den brif versigelten mit vnserm insigel vnd mit vnsers conuentz gemaynem insigel, f/ur vns vnd f/ur all vnser nachkommen. Dez sind gezewg: her Chumrat der Haller, chorherre ze sand Mang, her Erhart, pfarrer ze Pechlarn, her Adam der /Vtenhofer, zu den zeiten richter in der vorstat vnd Nycla der Regeldorffer. Daz ist geschehen nach Cristi gepurtt drewczehenhundert jar vnd in dem f/umfvndsibenczgisten jar an sand Veitz abent.