Ich Dietreich der Awer von Stefnyng, mein hawsfraw vnd all vnser erben vnd nachkomen, veriehen vnd tun chunt allen den, :I di den brief ansehent oder hornt lesen, daz wir vns mit veraintem rat vnd mit gutem willen, liepleich vnd freuntleich vericht vnd verteidingt haben auf ein gantz end, mit hern J/orgen dem Denkchlinger, zu den zeiten maister dez spitals sand Katrein, an dem f/uzz der prukk ze Regenspurch, vnd gemainleich mit der samn/ung doselben vmb all di ansprach vnd vodrung, di wir hintz in gehabt haben von irer /akcher wegen, di gelegen sind vnder den Waitern, di in yezu pawt der /Albel in dem Wey/ar, vnd davon man in vnd irem spital j/arleichen ze zins gibt viertzikch Regenspurger pfenning, vnd diselben /akcher sind weilent lehen gewesen von vns vnd von vnsern voruodern, diselben lehenschaft haben wir in vnd irem spital la/uterleich durch Gotz willen geaigent, daz di vorgenant /akcher nv furbaz, ir vnd irs spitals freys aigen sein s/ullen, daz wir noch all vnser nachkomen f/urbaz hintz in vnd irem spital noch hintz den vorgenanten /akchern, noch hintz der lehenschaft vnd dem zins dhain ansprach noch vodrung nicht mer haben noch gewynnen sullen, noch enm/ugen, in dhainerlay weis von der vorgenant sach wegen, weder mit gaistleichem noch werltleichem rechten, noch on recht, chlain noch groz, noch anders yemant von vnsern wegen. Vnd ob wir oder yemant anders dar/vber von der vorgenanten sach wegen mit in chriegten oder rechten, mit gaistleichem oder werltleichem rechten, oder on recht, daz sullen si allez behabt haben vnd wir verlorn haben. Daz in daz allez also st/at vnd vnzebrochen beleib, daruber zu einem vrch/und, gib ich in den brif versigelt mit meinem insigel, f/ur mich, f/ur mein hausfrawn vnd f/ur all vnser erben, vnd mit hern Adam dez /Vtenhofer, zu den zeiten richter in der vorstat ze Regenspurch, insigel, daz er an den brif gelegt hat nach vnsrer vleizzen pet, der sach zu einer gezeukchn/uzz, im vnenkolten. Daz ist geschehen nach Cristi gepurtt dreutzehenhundert jar vnd in dem f/umfvndsibentzgisten jar dez nochsten freitagz nach sand Michels tag.