Ich Vlreich Rottal/ar, an der zeit gesessen z/u dem Altmanstain, wechenn offenlich mit :I dem wrief vmb all dy ansprach, dy ich gehabt han z/u dem spital sand Kathrein, an dem f/usse der pr/uke z/u Regens(purch) vnd z/u der sam/ung doselbs, darvmb ich ire/w g/uter verchlagt vnd auch ettliche/w recht erlangt vnd wehabt han, wie sich daz allez verla/uffen vnd ergangen hat, nichtz ausgenommen vncz auf den he/wtigen tag, darvm pin ich mit dem spitalmeister vnd mit dem spital, vnd mit allen den iren lieplich vnd fre/wntlich verricht, verschaiden vnd vertaidingt worden auf ein gancz ende, daran mich wol wen/ugt als verre daz all mein ansprach vnd chlag mit sampt dem wehabten rechten, gar vnd gancz ab sol sein vnd f/urbaz nymmer mer ge/afert noch gemeldet sol werden, weder von mir noch von den meinen in dheiner weis. Dez z/u vrch/und gib ich in den brief versigelten mit dez edeln, meines gen/adigen herren, hern Johannsen, herre z/u Abensperch, an der zeit burgermeister z/u Regenspurch, aufgedrukchten insigel, im vnd seinen erben vnenkolten. Daz ist geschehen nach Christi gep/urtt dre/uczehenh/undert jar vnd darnach in dem f/unfvndnewnczigistem jar dez pfincztags nach Erhardy.