Ich H/artel, dez hertzogen m/ulln/ar ze Hayda/w, ich Heinr(ich) Gerel, dez Pf/olnchofer d/yn/ar, vnser :I hawsfrawn vnd all vnser erben, veriehen vnd bechennen offenleich mit dem brief allen den, di in sehent, h/orent oder lesent, daz vns di erberigen geistleichen la/wt, her Frid(rich) der Slaikch, ze den zeiten meister des spytals sand Kathrein ze Regens(purch), vnd /vberall di sammung doselben, freuntleich vnd g/antzleichen verricht vnd gewert habent aller ansprach vnd voderung di wir hincz in vnd hintz irem spital vnd g/uten gehabt haben, vntz auf den tag hewt auf ein gantz ende, von eines wagen wegen, der vns entf/urt ward in daz spital an eines andern wagen stat, darvmbe si vns bezalt habent f/unf schilling der langen Regenspurger pfenning, an allen abganch vnd an allen iren schaden vnd gepresten, als verr daz wir, vnser hawsfrawn, vnser erben vnd nachchomen hintz in, hintz irem spytal noch hintz deheinen iren la/wten vnd g/uten f/urbaz dehein ansprach noch voderung nicht mer haben noch gewinnen s/ullen, in deheiner weis noch anders n/ymt von vnsern wegen. Dor/vber ze einer /vrch/und vnd ze einer sicherheit, geben wir in den brief versigelten f/ur vns, f/ur vnser hawsfrawn, f/ur all vnser erben vnd nachomen mit dez erberigen mannes insigel, herm Ekprechtz dez G/uttinger, ze den zeiten rychter ze Haida/w, der daz nach vnsrer fleizzigen pet willen an den brief gelegt hat, im selber vnd seinen erben an allen schaden; dorvnder wir vns verpinden mit vnsern trewen an geu/ar allez daz st/at ze behalten daz an dem brief ist verschriben, wanne wir aygner insigel nicht enhaben. Der sach sind teidinger vnd auch zeugen: her Ch/unr(at), pfarrer ze Saler, her Ekprecht der G/uttinger, rychter ze Haida/w, Ch/unr(at) der Rosenmair von M/undreiching, Eberhart der Genswirt, purger ze Regens(purch) vnd anderer erberiger la/wt ein michel tail. Daz ist geschehen nach Christi gep/urtt drewtzehenhundert jar vnd in dem zwaivndsibentzigistem jar dez n/achsten erichtags nach sand Kathrein tag der heiligen junchfrawn.