Wir Alto von Gottes genaden abtt dacz sand Heymeran ze Regenspurch vnd :I /vberall der conuent daselben, veriehen offenbar an dem brief, daz wir von dem ersamme(n) wolbescheiden manne, herm Leupoldem dem G/umprecht, ze den zeiten der statchamerar ze Regens(purch), enpfangen vnd eingenomen haben siben pfunt guter Regenspurger pfenning, der wir gar vnd gantz von im verricht vnd gewert sein; vnd darvmb geheizzen wir im bey vnsern trewen, dez saligen iartag, maister Ch/unr(ad), chorherren dacz sand Johans ze Regens(purch), dem Got genad, iarleich vnd ewichleich in vnserm goczhaus an sand Francisii abent oder an seinen tag, an geua'r, ze begen mit vigilii, mit messe, mit gela/utt vnd auch mit chirczen auf ze stechen, als sitleich vnd gewonleich in vnserm goczhaus ist. Vnd swelhes iares wir des nicht ta'ten, so s/uln wir drey schilling der langen Regens(purger) pfenning, dezselben versezzen iares, armen la/uten geben in daz spital ze Regenspurch, an all widerred. Vnd dor/vber ze /vrch/und vnd ze einer staticheit geben wir im den brief besigelten mit vnserm insigel vnd mit vnsers conuents insigel. Daz ist geschehen, do man zalt von Christes gep/urtt dreuczehenhundert jar dornach in dem zwayvndsibentzigisten iar an sand Siluester tag dez heiligen pabst.