ȬNȬos ȬRȬymarus divina permissione prepositus totusque conventus ecclesie sancti Magni trans pontem Ratispone omnibus presentibusa :I inspecturis cupimus esse notum, quod cum magister Chunradus et universitas fratrum hospitalis sancte Katerine in pede pontis civitatis Ratisponensis teneantur de certis redditibus per dominum Karalum ChratzȎrium ad hoc specialiter deputatis dare infirmis decumbentibus in hospitali in stupa infirmorum omni sexta feria in qualibet septimana in perpetuum unam libram denariorum Ratisponensium pro refocilatione eorundem infirmorum prout ipsis maxime visum fuerit expedire. In quacumque vero sexta feria predicti magister et fratres hospitalis in ministracione huiusmodi elemosine negligentes extiterint, ipso facto erunt obligati pro pena in eadem septimana ecclesie nostre solvere denariorum Ratisponensium duas libras. Et hoc tociens quociens talis negligencia fuerit perpetrata, sicut in privilegio principali super hoc confecto plenius est expressum. Ne autem tale opus pietatis in posterum ab aliquo in oblivionem deducatur, nos Rymarus prepositus et conventus predicte ecclesie sancti Magni vice sacramenti promittimus, nos nostrosque successores presentibus obligamus singula iam dicta cum bona diligencia exequi sine fraude. ȬSȬed si ex aliqua desidia vel negligencia inposcendo eciam per vigorem iuris eandem elemosinam et penam negligentes inventi fuerimus, tunc nos Rymarus prepositus et duo ex fratribus nostris seniores, qui tunc temporis vixerint, erunt suspensi ecclesie ab ingressu donec de sublata elemosina et pena, quam pro sublacione ipsius elemosine prefati magister et fratres hospitalis inciderunt. Ut superius continetur, fuerit integraliter satisfactum, nisi per vigorem iuris, ut iam dictum est ab eis extrahere non possemus. Quam sentenciam suspensionis nos Chunradus Ratisponensis ecclesie episcopus in eos ex nunc quasi ex tunc proferimus in his scriptis. In cuius rei memoriam presentem litteram placuit ȬSȬigillorum domini Chunradi Ratisponensis ecclesie episcopi necnon prepositi et conventus sancti Magni robore conmuniri. ȬDȬat. anno domini MoCCCoXo in die beati Pangracii martiris.