Ich Linhart auf T*vna/w, probst ze Regens(purch), vergich vnd t*vn chvnt offenbar an disem brief, daz f/ur mich chom, da ich sazz an offem geri:Icht, her Heinr(eich) der Syman vnd nam im einen vorsprechen vnd pat im ein vrtail lazzen werden, er hiet Ch*vnr(at) den mayer von Aschach gefestent mit dem vronpoten vmb dreizehen schilling vnd zehen pfenn(ing) hauptg/utz vnd vmb drev mes habern vnd vmb den schaden; vnd den hiet von im auz genomen pr*uder Johans der spitalmaister, daz er im in widerstellen solt auf recht. Darnach chom der vorgenant her Heinr(eich) der Syman wider f/ur mich, da ich sazz an offem gericht vnd pat im ein vrtail lazzen werden, ez hiet der vorgenant pr*uder Johans der spitalmaister den vorg(enanten) mayer Ch/vnr(at) von im aus genomen, daz er im in widerstellen solt auf recht vnd dez hiet er nicht getan vnd pat vragen, waz recht w/ar; da vragt ich waz recht w/ar, da ertailten die erbergen hausgenozzen, seind der vorgenant pr/uder Jochans den vorgenanten mayer Ch*vnr(at) hiet auzgenomen auf recht vnd in nicht gestelt hiet, er solt im nu wol seins vorgenanten geltz vnd dez schadens schulldich sein vnd er m/ocht in wol darvmb anfertigen mit dem rechten. Da verricht der vorgena[n]t pr*uder Jochans vnd auch der vorgenant mayer Chvnr(at) den vorgenanten hern Heinr(eich) den Syman hauptgutz vnd schadens, vnd dez waz /vberal zwai pfvnt Regens(purger) pfenn(ing). Darnach chom her Ch*vnr(at), ze den zeiten chapplan in dem spital, von dez vorgenanten pr*uder Jochans wegen wider f/ur mich, da ich sazz an offen gericht, vnd pat herm Heinr(eich) dem Symann z/uzesprechen, ob in der vorgenant pr*uder Jochans der spitalmaister vnd der vorgenant mayer Ch*unr(at) verricht hieten seins vorgenanten hauptg*utz vnd schadens. Da sprach ich im z/u, da sagt er vor mir an offner schrann, in hiet der vorgenant pruder Jochans vnd der vorgenant mayer Ch*vnr(at) verricht hauptg/utz vnd schadens. Darnach pat im der pr*uder Jochans vnd der vorgenant mayer Ch*vnr(at) ein vrtail lazzen werden, seind der vorgenant her Heinr(eich) der Syman veriechen hiet, daz si in verricht hieten hauptg/utz vnd schadens; si solten nu wol von dem vorgenanten herm Heinr(eich) vmb all sach ze durchslecht ledich sein vnd ich g/ab in diser gerichten sach meinen brief, daz gab in allez volg vnd vrtail als recht waz. Daz in daz also stet vnd vnzebrochen beleib, darvber ze einem vrch/vnd gib ich in disen brief versigelt mit meinem insigel. Bei der gerichten sach sind gewesen: her La/utwein auf T*vnaw vnd her La/utwein der jung sein svn, her Friderich der L/obel, her Ch*vnr(at) der T/olldel, her Ch*vnr(at) vnd Friderich di Z/and, her Wilhalm der Rvntinger, her Reinmar der vorsprech vnd ander erberg la/ut ein michel tail. Daz ist geschechen, da man zalt von Christez gep/urtt drevtzehenhvndert iar darnach in dem sechsvndf/umftzichistem iar dez mantags nach vnsrer frawen tag ze der liechtmess.