Wir Ludowig von gots genaden marggrafe ze Brandenburg vnd ze Lus/isz, pfallenczgraue bei Rein, herczog in :I Peyern vnd in Kernten, graf ze Tirol vnd ze G/ortz etc. veriehen offenleichen mit disem brief, daz von dem spital ze Regenspurg an der prugk in der vorstat vnd allen den, die darinne sint, .. gebr/udern, .. geswestern vnd .. siechen, die genad getan haben vnd t*un auch mit disem brief durch got vnd durch vnser vnd .. vnserer voruaren sel hailes willen, daz si f/urbaz all ir g/ult vnd g*ut f/ur die Ne/wnstat zolfrey aller sach f/uren m/ugen an all irrung vnd hindern/uzz, ez sey auf wazzer oder auf dem lande vnd gebieten auch allen .. vnsern richtern, .. zolln/arn vnd .. kastn/arn, die ieczo sind oder noch werdent, daz si dem vorgenanten spital dise genad st/at halten vnd im die mit nichtiv /vberuaren, als lieb in vnser huld sein. Ez s/ullen auch des vorgenanten spitals la/ut bereden, daz das g*ut, daz si f/urent, ir aigen sey vnd niemant anders. Vnd daruber ze einem vrch/und geben wir in disen brief mit vnserm insigel versigelt, der geben ist ze Regenspurg nach Christs geb/urtt drewzehenhundert iar vnd darnah in dem ne/wnvndvierzigsten jar an eritag vor sant Gallen tag.