Ich Vlrich von Abensperch tvn chvnt allen den, die den brief sehentt :Ivnd h/orent lesen, daz Vlrich der Fr/utrunch von Abach hat verchavft dem spital ze Regenspurch ein aigen dacz Teingen vmb fvnfzehen pfvnt Regenspurger pfenning, besuhtes vnd vnbesuhtes, vnd hat sich desselben aigens verzigen sin havsfrowe ver Christin vnd sinev chint: Symon, Chvnrat, Vlrich vnd Perhtolt, vnd ander sin erben in min hant, also daz ich des vorgenanten aigen des spitals ze Regenspurch salman sol sin vnd auch bin. Vnd daz daz also stæt belieb vnd vnzebrochen, darvber han ich den brief gegeben zeinem vrchvnde vnd zeiner stætichait versigelt mit minem insigel. Des sint geziuge: Fridrich der Gogel, Ruger der Viermulner, Chvnrat der Vlrainer, Dietrich der Linthaher, Chvnrat der Schilhær, Symon des Fr/vtrvnches svn, Walther vnd Hainrich des Mvlnærs aidem. Vnd ist daz geschehen, do von Christes geburt waren drevzehenhvndert jar vnd in dem ersten jar des phincztages vor allerheiligen tag.