Ich Ott der Gryespekch, purger z/u T/vmstauff, mein hausfra/w vnd alle vnser erben, veriehen vnd t/un :I ch/vnt allen den, dy den brief ansehent oder h/ornt lesen, das wir vns fre/wntleich vnd liepleich z/u durchsl/acht auf ein gantz end bericht vnd vertaydingt haben mit Fridreich dem T/vntzlinger, burg/ar z/u T/vmstauff, mit seiner hausfrawen vnd mit allen irn erben, vmb alle dy voder/ung vnd z/uspr/uch, wie dy genant sind, nichtz ausgenommen, dy wir hintz in gehabt haben von der Setzz wegen vnd was darzu ge/hort, dy gelegen ist z/u Tvmstauff an der Grewsse zu nochst an vnserm weingartten als verre, das wir noch alle vnser erben vnd nachkommen auf dy vorgeschriben Setzz noch auf alle de/w vnd darz/u geh/ort, bes/uchtt vnd vnbes/uchtt, nichtz ausgenommen, noch hintz dem vorgenanten Fridreich dem T/vnczlinger, hintz seiner hausfrawen vnd hintz allen [ir]n erben vnd nachkommen noch hintz aller irer hab von der vorgeschriben Setzz wegen vnd was darz/u geh/ort in dhainer weis, dhain ansprach noch dhain vodervng nicht mer haben noch gewinnen sch/ullen noch enm/ugen, weder mit gaystleicher noch mit werltleichen rehten noch an reht, chlain noch gros, f/urbas nymmer mer noch anders nyemant von vnsern wegen. Vnd ob wir oder yemant anders dar/vber mit in chriegen oder Rrehten, mit reht oder an reht, das bechennen vnd geben wir in an aller stat alles gewunnen vnd behabt vnd vns verlorn, an alle widerred, das in vnd irn erben vnd nachkommen oder wer den [brief] von irn wegen ynn ha[t vn]d f/urbringt. Das alles also st/at vnd vnczerbrochen beleib, dar/vber z/u einem vrch/und geben wir in den br[ief versige]lten, ich obgenanter Ott der Gryespek[ch] mit meinem insigel, f/ur mich f/ur mein hausfrawen vnd [f/ur] alle vnser erben vnd nachkommen, [vnd] mit des erbergen vnsers richtt/ar insigel, hern Ch/vnrat des [Rorn]stet/ar, an der zeit pfleg/ar vnd richtter z/u T/vmstauff, der das an den brief gelegt hat nach vnserer fleizzigen pet, der sach z/u einer gezewkchn/uzz, im vnd seinen erben vnenkolten vnd an schaden, vnd auch vnenkolten der herschaft an irn rehten dy sy auf den vorgenanten g/uten habent. Vnd des alles ist obman gewesen, der vorgenant her Ch/vnrat der Rornstet/ar, so sind sein ze/wgen dy dabey gewesen sind: Perchtolt der Pl/odel, Ott der Grosse, Hainreich der Grays vnd Lyebhart der Meindel, alle burger z/u T/vmstauff, vnd ander erberg la/ut. Das ist geschehen nach Christy gep/urtt dre/wczehenh/vndert jar vnd in dem dre/wvndnewnczigistem jar an sand Grey/orgen tag in der vasten.