Ich Ch/unrad der Pl/ochel z/u Fryeshaim, mein h/awsfr/aw vnd all vnser erben wechennen offenlich mit dem brief allen den, dy in ansehent, h/orent oder lesent vmb dy ansprach vnd vodrung dy wir gehabt haben hincz dem spital sand Kathrein an dem f/usse der pr/uke z/u Regens(purch), von der zimmer wegen auf irem aygen hof z/u Frieshaim vnd auch vmb ansprach, dy daz egenant spital her wider z/u vns, von versessner g/ullt vnd schuld wegen von dez egenant hofes wegen gehabt hat, wie dy all/ew genant ist vnd wie sich daz allez verlauffen hat, nichtz ausgenommen, vncz auf den tag h/ewt, darvmb sey wir nach vnsrer fr/ewnt vnd andrer erberiger l/awt rat mit hern Martein dem Gebenpekchen, z/u den zeiten maister dez egenanten spitals, vnd mit dem conuent doselben, liplich vnd fr/ewntlich verricht, vertaidingt vnd verschaiden worden auf ein gancz ende daran vns wol gen/ugt, als verer daz ich obgenanter Ch/unrad Pl/ochel, mein hawsfr/aw noch all vnser erben hincz dem obgenanten spitalmeister, hincz dem spital noch hincz allen des spitals l/awten vnd g/uten, wo sy dy habent, f/urbaz dhein ansprach noch vodrung nymer haben noch gewinnen s/ullen noch enm/ugen, weder mit rech noch an recht noch anders niempt von vnsern wegen in dheiner weis, wann wir auf den obgenanten hof nichcz z/u sprechen haben, weder vmb zimmer noch vmb pawrecht noch vmb dhein andr/ew sach, ez sol auch dez vorgenanten spitals vodrung vnd ansprach gancz vnd gar ab vnd hin sein, als oben an dem brief verschriben ist, w/ar auch daz wir oder anders iemant von vnsern wegen /vber daz, daz an dem brief verschriben ist, mit in chriegten oder rechten, daz gewen wir in alles gew/unnen vnd wehabt vnd vns verlorn an aller stat, vnd ob si dez icht schaden nement, den s/ullen wir in g/anczlich abt/un vnd widerchern an all/ew widerred. Daz in daz allez also st/at vnd vnczebrochen weleib, dez z/u vrchund geben wir in den brief versigelten mit her Chunrad dez Rorensteter, z/u den zeiten pfleger z/u T/umst/awff, insigel, der daz an den brief gelegt hat nach vnsrer fleissigen pet, der sach z/u ainer geczeukn/uss, im vnd seinen erben an schaden, darvnder wir vns verpinden mit vnsern tr/ewn st/at z/u haben waz an dem brief verschriben ist, trewlich an geu/ar. Dez sind zewgen vnd taydinger: her J/org der Haimperger, purger z/u Regens(purch), Ott Gross, purger z/u T/umst/awff, Haymram H/anperger vnd anderer l/awt gen/ug. Daz ist geschehen nach Christi gep/urtt drewzehenh/undert jar vnd darnach in dem viervndn/ewnczigistem jar dez nachsten suntags nach liechtmess.