Ich Vlreich der Meindel gesezzen z/u T/vmstauff, mein hausfraw vnd alle vnser erben veriehen vnd bechennen :I offenlich mit dem brif, daz vns her J/org der Willd, bvrg/ar z/u Regens(purch), sein hausfraw vnd ir erben lazzen habent irn weingartten, gelegen z/u Tvmstauff an dem Hartperg, der genant ist der Woll/ar, mit sampt der setzz, dy darz/u geh/ort, daz wir daz alles vnd waz darz/u geh/ort wol vnd trewlich vnd f/vderleich pawen, verwesen vnd befriden sch/ullen mit allen sachen an allen geprechen, alz guter frvmer pawla/wt reht ist alle dy weil vnd wir in darz/u f/vgen vnd vns darz/u haben wellent z/u pawla/uten, das stet allzeit dacz in vnd nicht dacz vns, wan wir weder pawreht, erbreht noch weinz/urlreht noch dhainerlay gewier, n/utzz vnd rehten auf dem vorgenanten weingartten vnd setzz nicht haben. Wir sch/ullen auch j/arlich in ir stift chommen vnd sch/ullen in irn egenanten weingartten vnd setzz ledichlich auf geben, vnd daz m/ugen sy lazzen, wem sy wellen an alle irrvng vnd widerred, wir pawen wol oder nicht, wan wir hintz in noch hintz den vorgenanten g/uten vnd waz darz/u geh/ort vnd wem sy ez f/vrbas lazzent noch hintz aller irer hab dehain vodervng noch ansprach nicht haben noch gewinnen sch/ullen noch enm/ugen, weder haymleich noch offenlich, weder mit geistlichen noch mit werltlichen rehten noch an reht noch nyemant anders von vnsern wegen in dhainer weis noch vmb dhainerlay sach nichtz ausgenommen. Vnd in wew wir daz /vberf/vrn vnd in nicht st/at hieten vnd volf/vrten, waz an dem brif geschriben stet, welhen schaden sy dez nement, dez sch/ullen vnd m/ugen sy von vns vnd von aller vnserr hab bechommen mit geistlichen vnd werltlichen rehten vnd an reht, wye sy wellen an alle irrvng vnd widerred; vnd ob wir oder yemant anders dar/vber mit in chriegten oder rehten mit reht oder an reht, daz geben wir in gew/vnnen vnd vns verlorn an alle widerred. Daz in oder wer den brif von irn wegen ynn hat vnd f/vrpringt, daz allez also st/at vnd vntzerbrochen beleib, dar/vber z/u einem vrch/und geben wir in den brif besigelten mit hern Chvnrat dez Rornsteter insigel, an der zeit pfleger z/u T/vmstauff, der daz an den brif gelegtt hat nach vnserr fleizzigen pet, der sach z/u einer gezewkchn/uzz, im vnd seinen erben vnenkolten vnd an schaden; vnd darvnder verpinden wir vns vnuerscheidenlich mit vnsern trewen st/at zu haben, waz an dem brif geschriben stet. Daz ist geschehen nach Christy gep/urtt drewtzehenhvndert jar vnd in dem f/vmfvndnewntzigistem jar an sand Grei/orgen tag in der vassten.