Nos Nycolaus dei gracia ecclesie Ratisponen(sis) episcopus presentibus confitemur, quod pio et conpassivo affectu :I inopie et utilitati pauperum et infirmorum hospitalis sancte Katherine trans pontem Rat(isponensem) providere et consulere cupientes, quia multitudo sororum, que recepta fuit hactenus in eodem, et ut magis augmentaretur, tam a principibus, quam nobilibus terre et civibus civitatis inportunis precibus sepius instabatur ipsorum pauperum paupertati nimis extitit onerosa, eo quod eedem sorores, licet essent obsequiis pauperum deputate magis volebant ministrari, quam pauperibus ministrare. Et certe earundem in tanto numero non erat necessitas, nec pro eis et aliis, qui necessarii fuerant ipsi hospitali, provisionis possibilitas affuit et facultas deliberacione provida cum venerabile nostro capitulo habita super eo de eiusdem consilio et assensu sequentes vestigia bone memorie domini Chunr(adi) quondam predecessoris nostri statuimus et in perpetuum sic volumus et precipimus observari, quod numerus dictarum sororum numerum quinarium non excedat. Ita videlicet, quod hiis, que nunc sunt, in statu solido remanentibus, postquam usque ad quinque mortue fuerint, nullo pretextu recipiatur alia, nisi prius una de illis quinque, vel decesserit vel ab ipso hospitali recesserit minime reditura. Ipsas autem, que nunc sunt et futuras statutis et ordinacionibus bone memorie predecessorum nostrorum editis circa eas subiacere volumus, et ad suas regulares observancias decernimus obligatas. In cuius rei testimonium presentes litteras sigillo nostro et sigillo ipsius nostri capituli eidem dedimus communitas. Datum et actum Ratispone anno domini millesimo CCCo quartodecimo in crastino beati Andree apostoli.;.