Ich Herman der Enchenprunner von Nevndorf vnd Chunrat vnd Perichtolt mein br/uder :I di Enchenprunner von Haimsakcher veriehen vnd tun chunt offenbar an disem br/if alle den di in ansehent oder h/orent lesen, daz vns di erberig vnd gaistleih herren her Fridreich der maister dez spitals an dem f/uzz der pruk ze Regenspurch der conuent vnd gemain daselb schuldich gewesen sind vierczig pfunt Regens(purger) pfenning der si vns bericht vnd gemert habent an allen abganch vnd gepresten mit Regenspurger pfenning di zv den zeiten gib vnd ga'b gewesen sind ze Regenspurch in der stat vnd dar/vber ze einer gedenchn/uzz gib ich in oben genanter Hermen der Enchenprunner von Nevndorf disen br/if versigelten mit meinen insigel, darvnder sich mein br/uder Chunrat vnd Perichtolt di Enchenprunner von Haimsakcher vnder verpinden mit iren trewn alles daz stat ze haben vnd volf/uren daz an dem brif geschriben ist. Vnd der br/if ist gegeben do man zalt von Christes geb/urt drevzehenhundert iar vnd darnach in dem nevnvndvierczigisten iar dez eritags vor sant Elspeten tag.