Ich Chunrat, ich Albrecht vnd ich H/artweig, dez Hannsen sun von Abach dem got genad, vnser hawsfrawn vnd all vnser erben, veriehen vnd tun chunt allen den, di den brief ansehent oder h/ornt lesen, das vns vnser genediger herr, her Fridreich der Slaikch, zu den zeiten maister dez spitals sand Katreyn an dem f/uzz der prukk ze Regens(purch) vnd di samn/ung doselben, iren vnd irs gotzhawss aygen hof ze spital Abach lazzen habent von dem tag hawt vntz auf Liechtmess di schirst ch/vmbt vnd darnach ein gantz jar daz schirst chvmpt mit allew dew daz darzu geh/ort, besucht vnd vnbesucht, auzgenommen di holtzmarch di darzu geh/ort, do haben wir nichtz mit ze schaffen, dann daz wir sein di vorgenanten zeit trewleichen wartten sullen, dann waz wir zu dem hof prennholtz vnd z/awnholtzz bed/urffen, daz s/ullen wir beschaidenlech nemen on geu/ar. Wir s/ullen auch di vorgenant zeit allew wochen zway fuder holtz haben, auz dez pischof vorst, ob si vns daz wol auzpringen m/ugen, t/aten si daz nicht, so s/ullen si sein vnenkolten sein vnd sind vns nichtz darvmb schulldig. Wir s/ullen auch in ir stift chomen vnd irer stift recht t/un. Sy s/ullen auch hawr vnd hintz jar mit vns schawen auf dem veld vnd s/ullen wir in dann davon dienen, als schawung recht ist, on allew widerred, vnd darinn wellent si vns beschaidenlech begenaden. M/ochten wir vns aber vmb diselb genad mit einander nicht berichten, so sol di selb genad sten an dem vesten ritter hern Hainreich dem Zenger von Regenstawff, den wir pederseitt darzu erwelt haben, vnd ob der in der zeit nicht en w/ar dez got nicht engeb, so s/ullen wir einen andern erwerigen man zu pederseitt darzu nemen on geuer. Wir s/ullen in auch ir wisgelt vnd allen iren chlaynen dienst von irem vorgenanten hof, heur vnd hintz jar, geben nach irs salpuchs sag, on allew widerred. Wir bechennen auch daz wir vnsrer vorgenanten herschaft vnd dem spital vnuerschaidenlech schulldig sein vnd gelten s/ullen sechs schaf traitz vnd dreizehen schilling der langen Regenspurger pfening verschaidern schuld f/ur vnsern obgenanten vater der in verlazzen g/ult schulldig waz achtzehen schaff traitz vnd f/umf pfunt Regenspurger pfening, daf/ur s/ullen wir in di vorgeschriben sechs schaf traitz vnd di dreizehen schilling der langen Regens(purger) pfening vnuerzogenleich richten, antwurten vnd geben in der vorgenanten zeit vnd si vns den hof lazzen habet, daz wir in daz nicht lenger verziehen s/ullen. Vnd swann di vorgenant zeit auzch/umbt vnd vergangen ist, so s/ullen wir in den vorgenanten, iren aigen hof mit aller zugeh/orung, p/awleich vnd wesenlih vnd ledichleich ligen lazzen on all widerred, w/ar aber daz wir in ir vorgenantew schuld, di wir in schulldig sein, vnd ir dienst vnd g/ult dy vorgenant zeit all/ev gar vnd gebtzlech geben vnd gelten vnd auch gut p/awl/awt w/arn vnd vns auch recht vnd redleich gein in hielten, so m/ugen si vns den hof f/urbaz lenger lazzen vnd vns f/ur ander l/aut darvmb verh/orn, w/ar aber daz wir in di vorgenant zeit nicht allez daz st/at hielten vnd volf/urten swaz an dem brif verschriben ist, so s/ullen wir von irem vorgenanten hof ledichleich varn on all widerred als verre daz wir darauf noch darnach nicht mer ze uodern noch ze sprechen haben noch gewynnen s/ullen noch enm/ugen, weder mit gaistleichem noch werltleichem rechten noch on recht, chlain noch groz noch anders yemant von vnsern wegen, vnd vmb daz allez swaz an dem brief verschriben stet haben wir in zusambt vns vnuerschaidenlech ze selb scholln vnd ze porgen gesatzzt, Vlreich den smyd von Reisch vnd Merboten von Pirkcheych, mit der beschaiden ob wir in nicht allez d/az st/at hielten vnd volf/urten swaz an dem brif verschriben ist, swelherlai pruch oder abganch in daran gesch/ach, swelhen schaden si dez nemment, den s/ullen wir vnd di vorgenant selb scholln vnd porgen in mit sambt irem dienst vnd hawptgut vnuerschaidenlech vnd gentzleich ab tun vnd widerchern, on all waigerung vnd si s/ullen vnd m/ugen auch dez allez an aller stat von vns vnd von dem vorgenanten selb scholln vnd porgen vnd von vnser aller hab, besucht vnd vnbesucht, bechommen mit gaistleichem oder werltleichem rechen oder on recht, swann vnd swie si wellent on allen chrieg vnd widerred. Vnd dar/vber zu vrch/und geben wir in den brif versigelten mit vnsers vorgenanten genedigen herren hern Hainreich dez Zenger von Regenstawff insigel, der ist der sachobman gewesen vnd hat sein insigel an den brif gelegt nach vnser aller vleizz(igen) pet, der sach zu einer gezewkchn/uzz im vnenkolten, darvnder wir vns vnd di vorgenanten selb scholln vnd porgen all vnuerschaidenlech verpinden mit vnsern trewn st/at ze halten, swaz an dem brif verschriben ist, dez sind taidinger gewesen: her Wernher vnd her Chunrat di St/orn, vnd Nicla der Hirs auf dem Stainbeg, vnd Chunrat der A/wt von Lenguelt. Daz ist geschehen nach Cristz gepurtt deuczehenhundert jar vnd in dem drewvndsibenczgisten jar dez n/achsten mitichen nach dem palm tag.