Ich Hainreich von Trautenberch vnd ich Wolfhart der Wild, veriehen vnd tvn chunt allen :I den, di disen gagenbvrtigen prief sehent oder horent lesen, daz wir ped den chriech verriht haben, den daz spital hintz dem S/auzzen het vmb diu wis, diu da gehort in dez spitals guet, dacz Haychelperch mit der beschaitenhait, daz diu vorgenanten wis der Sauzze haben schol diu weil er lebt vnd niht lenger, vnd sol auch alle jar davon geben vi pfening in daz spital ze zinse an sand Michels tag. Swen der vorgenant S/auzze nimer ist, so schol niemant chain ansprach hintz dem spital fvrpas haben noch gewinnen wan si dez spitals rehttez aygen ist. Daz also stet vnd vnzeprochen beleib, darvber geb wir dem spital disen prief versigelten mit vnsern peden insigeln. Dez sint auch ziug: maister Vlr(eich) der Wild chorher ze Regens(purch), Gebhart der Wolf vnd Vlr(eich) der Trautenbergar vnd anderr frumer l/eut genunch. Der prief ist gegeben, da von Christez gep/urt vergangen warn driuzehenhundert jar darnach in dem fvnfzehenten jar an dem pfingshabent.