Ich R/uger der Rott von Gr/untal, mein hawsfraw vnd all vnser erben bechennen offenlichen mit dem brieff allen den, :I die in ansechent oder h/ornt lesen, das wir nach rat, gunst vnd g/uten willen aller vnser frewnt vnd andrer erberger l/awt, fr/untlich vnd liepleich /uberain worden sein auf ein gantz ende mit dem erwirdigen vnd gaistlichen herren her Pawlsen von Althaim an der zeit maister des spitals sand Kathrein an dem f/uzz der pruchken z/u Regens(purch) vnd gemainchleichen mit dem convent doselben vmb all handlung, ansprach vnd vordrung die wir von des egnent spitals wegen hintz im gehabt haben, wie dy gnant seind nichtz ausgenomen noch hindan gesetzt, vnd besunder von des hawss wegen das wir gebawt vnd gepessert haben vnd noch von tag ze t/un s/ullen vnd wellen, das gelegen ist auf des egnent spitals aigen hoff cz/u Gr/untal darinn /vns vnser egnent gnadiger herr her Pawls von Althaim von des spitals wegen ze st/ur vnd ze hilff ch/omen ist mit einer summ geltz dy wir im vnd dem spital von versawmn/uss wegen vnser g/ult schuldig worden sein, derselben summ geltz wir gantz vnd gar ledig gesagt sein von dem spitalmaister vnd dem spital, also vnd darumb das wir oder vnser erben aus das egnent haws vnd g/ut z/u Gr/untal von des paws wegen hintz dem spital noch hintz allen seinen g/ut wie das gnant ist chlain oder gross nichtz ausgenommen noch hindan gesetzt dhain ansprach noch vordrung nimer mer gehaben s/ullen noch enm/ugen, weder mit recht noch an recht noch andere niemant von vnsern wegen in dhainer weiz, vnd ob wir dar/uber mit in chriegten oder rechten mit recht oder on recht das geben wir in alles behabt vnd vns gien in verloren, das dem egnenten spitalmaister dem spital vnd alle iren nachkomen das alles st/at gantz vnd vnzerbrochen beleib, des z/u vrchund vnd best/atichait, gib ich obgenent R/uger Rott von Gr/untal, mein hawsfraw vnd all vnser erben in den brieff mit meins gn/adigen herrn her G/orgen des H/ofers von Labenstain insigel besigelte der es durch vnsrer vleizzen pett willen an den brieff gelegt hat der sach z/u gez/ugchn/uss im vnd seinen erben on schaden, dar/under wir vns verpintten mit vnsern trewen st/at z/u haben swas an dem brieff geschriben ist trewlich on gev/ar, vnd des sind taidinger vnd do ich vmb das insigel gepeten han bey gewesen: C/unrat Amman von Irlpach, H/ansel der Winchler, Haintzl an der strass vnd Cunr(at) der Payrl von Gr/untal, vnd ander erwirdiger lawt gen/ug. Actum et datum in die vndecim milium verynem anno Mmo CCCCmo.