Ich Chunrat, ich Lawtwein dy Aw/arer veriehen fur vns, vnser hawsfrawn, fur all vnser eriben vnd nachkommen vnd tun :I chunt offenleich mit dem brief allen den, dy in sehent, h/orent oder lesent, daz wir schuldig worden sein vnd gelten sullen vnserm lieben swager Sighart dem Hoholtinger zu Cholnpach, seiner hawsfrawn Margreten, vnser lieben muemmen, allen iren eriben vnd nachkommen viertzzkch pfunt Regens(purger) pfenning, dy wir vnserm egenanten swager Sygharten zu vnserer egenanten nwemen Margreten, seiner hawsfrawn zu heyratgut gehaizzen vnd versprochen haben vnd darvmb wir yn ledichleich vor allen lawten vnd geltern zu rechter pfantschaft eingeantwurtt vnd gesetzzt haben, in chraft dez briefz vnser hueb zu nidern Haynpuch, di lehen ist von Chunr(ad) dem Wisent/ar zu Germvss vnd vnsrew pawrecht vnd pollitz lehen doselben, alz der brief auzweist, der von ffrawn Chunigen den der Awarynn von Hard in vnser gewalt chomen ist vnd der vber dy vorgenanten hueb, pawrecht vnd pollitz lehen sagt dew vorgenantten hueb pawrecht, pollitz lehen haben wir in willichleich eingeantwurtt vnd vbergeben vnd auch den obengenantten brief, der darvber sagt, daz allez habent sy inne mit vnserm gutleichen willen vnd wort in solher beschaiden alle dy weil vnd zeit vnd wir der obgenanten viertzzkch pfunt Regens(purger) pfenning nicht gantzleich gericht haben, so sullen sy dy hueb pawrecht, pollitz lehen vnd den brief, der darvber sagt inne haben (safften ?) vnd st/orn, hanndeln, n/vczzen vnd niezzen an allen abslag, alz lang biz sy der obgenantt viertzzk pfunt Regens(purger) pfenning gantzleich bezalt vnd gericht, vnd gewert sind an allen schaden, daz wir sie noch anderz nyemant von vnsern wegen daran nicht irren, engen sullen , wellen noch mogen, mit recht noch an recht, in dhainer weis. Darvber zu einen vrchund der warhait geben wir in den brief, ich obgenanter Chunrat vnd Lawtwein dy Aw/arer mit vnserer peder insigl versiglt fur vns, vnser hawsfrawn, fur all vnser eriben vnd nachkommen allez daz stat halten, daz an dem brief verschriben ist, der geben ist, nach Christi gepurtt drewtzzehenhvnndert jar in dem /achtenvndnewntzzkistem jar an sand Veyttztag.