Ich Wernher der Prvnna/w/ar vnd ich Elizabet sein eleiche/w wirtinn, all vnser erben :I vnd nachkomen bechennen vnd tun ch/unt offenleich mit dem brief allen den, die in ansehent, h/orent oder lesent, daz wir vns liebleich vnd frewntleich veraint, verricht vnd verteidingt haben auf ein gantz vnd nach erberger le/wt rat mit Hainreich dem Palldawff zu Honhaim, vmb all zuspr/uch, vodrung vnd handl/ung die wir gehabt haben gein den armen durftigen in dem spital an dem f/uczz der pruchk zu Regenspurkch vnd gemainkleich mit der samung doselben von dez gutz wegen daz si haben zu Honhaim vnd daz ir freis aigen ledigs gut ist vnd daz weilent Hainreich der Palbsch saliger inn gehabt hat, dem Got genadig sei, vmb ein sogetan gut dez si mich gar vnd gantz gericht vnd gewert haben zu rechter weil vnd zeit vnd daran wir ein gantz wol gevallen gehabt haben, also mit der weschaiden, daz wir vnd all vnser erben vnd nachkomen furbaz darnach dhainerlay zuspruch, vodrung vnd handlung nicht mer haben noch gewinnen sullen noch enmugen hintz dem egenanten spital noch hintz allen seinen gutern, wo oder wie die gelegen sein, wesucht vnd vnbesucht, noch hintz dem egenanten Hainreich dem Palldawff noch hintz allen seinen erben. Wir sullen in auch daz egenant g/ut zu Honhaim vertreten alz dez lantz recht vnd der graschaft, darinn daz gut gelegen ist, vnd ob wir dar/vber mit in kriegten oder rechten, ez war mit geistleichem oder wertleichem rechten oder an recht, daz haben si an aller stat gewinnen vnd wehabt vnd wir vnd all vnser erben vnd nachkommen verloren. Der sach sind teidingar gewesen die erbergen: Hans der Polling/ar, an der zeit her Rudolfs von Preysing dien/ar; Vlreich der Trull/ar vnd Fridreich der Trull/ar sein sun, ped burger zu der Newn stat; vnd Haireich der mair zu E/wning vnd ander erberger lewt genvnkch. Vnd dez zu vrchund vnd zu einer merern sicherhait, so geb wir in den brief fur vns, fur all vnser erben vnd nachkommen versigelten vnder dez vesten manns Hillprantz dez Otlingers insigel, der daz durch vnser fleissigen pet willen an den brief gehangen hat, im vnd seinen erben vnd nachkomen vnengolden vnd an schaden. Der pet vmb daz insigel sin zewgen, die erbergen: Hans der Pollingar vnd Vlreich der Trull/ar. Daz ist geschehen nach Cristi gep/urt drewczehenhundert jar vnd darnach in dem achtvndnewntzigistem j/ar an sand Gallen tag dez heiligen abtz.