Ich Chunrat von H/ohenfels der alte, vergih vnd t/un chunt allen den, :I die disen brief ansehent oder h/orent lesen, daz ich des g/utes ze Haimsakker, ze na'hst bei der chirchen, eins p/omgarten vnd dreier hofstet daselb, trager bin von meinem herrn dem pischolf vnd von dem gotshaus, dem spital vnd der siechen ze Regenspurch enhalb pr/ukk mit g/uten triwen, also, swenn si des an mich m/vtent, so sol ich in dazselb g/ut aufgeben, vor meinem herren dem pischolf; vnd s/ulnt si daz dann haizzen leihen dem swer in darz/v f/ugt. Darvber gib ich in disen brief ze einem vrch/unde vnd ze einer besta'ticheit versigelt mit meinem insigel. Daz ist geschehen do von Christes geb/urt waren drevzehenhundert jar vnd darnach in dem zwainczigisten jare an sand Marien Magdalenen tag.