Wir Percht von gottes gnaden abtessinne dacz Obermunster ze Regenspurch, veriehen vnd :I t/un chunt allen den die disen brief ansehent oder horent lesen, daz wir lazzen vnd verlihen haben dem spital sant Katherein, daz gelegen ist an dem fuezz der prukk ze Regenspurch ein pevntel daz gelegen ist ze Charrein ze na'hst an des Maiers paungarten nach zinsrecht vridlich vnd vreylich ze besitzen, mit der bescheidenhait, daz vns vnd vnseren nahchomen der maister vnd diu samnung desselben spitals von der vorgenanten puint(?) allev jar schuln geben an sand Haymerams abent oder an dem tage vier h/uner nach zinsrecht an alle widerred. Vnd darvber gebn wir dem vorgenanten spitals disen brief mit vnserem insigel versigelten; vnd des sint zevgen: Vlrich der nuiwirt, Gebhart der chelner, Heinr(ich) von Ekkenmul vnd anderr piderben l/aut genuge. Der brief ist gegeben do von Christes gep/urt ergangen waren drevzehenhundert jar darnach in dem zwainczkisten jar an sant Georii abent.