Ich Vlreich, dez Smitz sun von Reich vnd ich Angnes sein hawsfraw, der Leitgebynn tochter, vnd ich Agnes :I di Leitgebynn ze Swaikchhawsen, ir muter, vnd all vnser erben vnd nachkomen veriehen vnd tun chunt allen den, di den brif ansehent oder h/ornt lesen, daz wir vns mit veraintem gutem willen liepleich vnd frewntleich verricht vnd vertaydingt haben auf ein gantz end, mit hern Fridreich dem Slaikchen, zu den zeiten maister dez spitals sand Katrein an dem fuzz der prukk ze Regenspurkch, vnd mit der samnung doselben vmb iren vnd irs spitals aigen hof ze Haymsakcher, vmb all di ansprach vnd vodrung di wir darauf gehabt wolten haben vnd heten, vnd vmb all sach, zuspruch vnd handlung, swie sich di vergangen habent vncz auf den he*wtigen tag, nichtz auzgenomen, als vreie vnd als frewntleich, daz si vns nach vnserer vleizzigen pet vnd auch vnser anligent notd/urfft lazzen haben, f/unf pfunt Regenspurger pfening an sechtzikch pfening, vnd dritthalb schaf chorns, daz wir in allez schulldig wurden versezzens dienstez vnd zinss, darzu habent si vns geholffen mit vier schaff chorns, di si vns geben habent. Vnd also verzeihen wir vns ze durchslecht mit dem gagenw/urttigen brif, als verre daz wir noch anders yemant hintz in vnd irem spital noch hintz irem vorgenanten aigen hof ze Haymsakcher vnd swaz darzugeh/ort, ze veld vnd ze dorff, besucht vnd vnbesucht, nicht mer ze uodern noch ze sprechen haben, noch gewynnen s/ullen noch enm/ugen, weder mit gaistleichem noch werltleichem rechten noch on recht, chlain noch groz, f/urbaz nymmer mer noch anders yemant in dhain weis. Vnd ob wir dar/vber mit in chriegten oder rechten, mit gaistleichem oder werltleichem rechten oder on recht, daz s/ullen si allez behabt haben vnd wir verloren haben, vnd swelhen schaden si oder daz spital, derselben chrieg vnd recht nement, daz s/ullen vnd mugen si von vns vnd von aller vnsrer hab bechomen swie si wellent. Daz in vnd irem spital, daz allez also st/at vnd vnzebrochen beleib, dar/vber zu einem vrchund geben wir in den brif versigelten mit hern Eberhart dez Sintzzenhofer ze Lenguelt insigel, vnd Christan des Michelsperger vom Podemstain insigel, di si an dem brif gelegt habent nach vnsrer vleizzen pet, der sach zu einer gezenkchn/uzz in vnenkolten, darvnder wir vns verpinden mit vnsern trewn st/at ze halten swaz an dem brif verschriben ist. Dez sind taydinger gewesen: Hainreich der Sintzzenhofer von T/awblitz vnd Vlreich der Schular von Chalm/utzz, vnd dez sind geze*ug: Vlreich, chastner ze Lenguelt, Peter, der schreiber in dem spital vnd Ott der Elmauer, hofmaister in dem spital. Daz ist geschehn nach Christez gepurtt drewczehenhundert jar vnd in dem drewvndsibnczgisten jar an sand Peter vnd sand Pauls abent der heiligen zwelfpoten.