Ich Vlrich von dem Stain, vergihe vnd tvn chvnt alln den, disn brief sehnt oder :I ho'rnt lesn, daz ich di h/vbe ze H/vtnhavsen, vnd ze Ovendorf, di her Hiltwein von Chrandorf, purger ze Ingolstat vnd sein erbn von mir ze lehn hetten, in staignt vnd ze rethn aign gebn han, ewetlich ze pesizn mit allm reht als ain man sein reht aign habn vnd pesizn schol, ze dorf vnd ze veld, ha'vser, hofstat, acher vnd wis, gebawen vnd vngbven, besvch vnd vnbes/vch, vnd als daz z*v den hvbn geho'rt; vnd daz dem vorgnantn Hiltwein vnd seinn erbn, daz sta't blibe von mir vnd von meinn erbn vnd avch vnzerprochn, da gib ich im disn brief vmb ze aim vrch/und versigelt mit meim insigel. Der ist gebn ze Ingolstat do man von Christs geburt zalt drivzehnhundert jar in dem sibndm jar an dem athn tag sant Johans ze weihnnathn.