Ich Wernher der Kemnater vnd mein hausvrawe Elspet vnd vnser zwen s/vn Chvn:Irat vnd Hiltprant veriehen vnd t/vn chvnt allen den, di disen gagenb/vrtigen brief ansehent oder horent lesen, daz wir dem spital sand Katherein, daz an dem f/uzz der prukke ze Regenspurch gelegen ist, vnsern hof ze Graevninge f/vr ein vreiz, ledigez aigen verchauft haben, besuhtez vnd vnbesuhtez, ze dorf vnd ze vellde, ze wis vnd ze allher, holcz, wazzer, stoche vnd stain, gebauenz vnd vngebawenz, daz ich noch mein hausvrawe noch dehain mein erbe darnach, weder chlain noch groz, nimer mer niht haben ze sprechen vmb sehczehent halb pfvnt Regenspurger pfenning, der man vns erleich vnd schon gewert hat mit beraiten pfenningen. Ez gilt auch, der selbe hof ze Graevninge, zwai schaf rokken vnd zwai schaf habern, zwo gense, vier hvner, zwaintzich cha's oder zwaintzich pfenninge vnd ein halbez pfvnt aier. Ich han auch den prudern in dem vorgenantem spital gelobt vnd gehaizzen, daz ich in den egenanten hof versprechen vnd verantwurten schol als des lanttes reht ist vnd fieleich vnd gew/onleich an ainer iesleichen stat das er mit dem rehten an wirt gesprochen, vnd han auch darvmb zv mir ze porgen gesetzet hern Chvnraden von Erenvels, ob dem spital oder den prvdern an mir vnd an meinem versprechen iht ab ginge, daz schol er an meiner stat volf/vren an allen chriech, geva'rd vnd widerred. Daz ez auch also sta't vnd zerbrochen beleibe, gib ich dem dieche genantem spital ze einem vrch/vnde vnd ze einer sta'tigvnge disen brief mit des ersam herren hern Chvnrades von Ernvels insigel versigelten. Des sint gezwge: Chvnrat mein pruder, Chvn der Chemnater vnd sein pruder Chonr(ad) vnd anderr frumer la'vt genvnch. Daz ist geschehen do von Christes geburt waren driutzehenhvndert jar darnach in dem sibenten jar an sand Agnesen tag der heiligen mattraerinne.