Ich Hans der Chembnat/ar ze den zeiten richter in der vorstat ze Regens(purch), vergich vnd bechenn offenleich an dem br/if allen den, :I die in ansehent oder h/orent lesen, daz f/ur mich chom, da ich saz an offem gerichtt ze Wintzzer, der erwerig herre her Fridereich der Slaiche, maister dez spitals datz sand Katrein an dem fvezz der prvkk ze Regens(purch) vnd nam im einen vorsprechen vnd chlagt vnd pat gerichtz hintz einem weingarten gelegen ze Ch/arr/an vnd genant ist der Paus/ar vnd swaz darzv geh/ort, vnd er traw/at Got vnd dem rehten wol er w/ar im ledich vnd pawfellich warn mit sampt dem winthavs vnd swaz darzv geh/ort, besucht vnd vnbesucht, vnd der auch des spitals rehtz aygen w/ar vnd den L/avtwein der Meichsn/ar ze Ch/arr/an von dem spital ze pawrecht hiet, vnd des er einen gueten br/if von dem vorgenanten L/avtwein dem Meichsner hiet, daz er denselben weingarten mit sampt dem winthavs vnd swaz darzv geh/ort, in n/utzzleichem, wesleichem paw scholt halten an allen irn schaden vnd der hiet er nicht getan vnd liezz den paw los ligen; vnd pat im fragen waz reht w/ar, da vragt ich waz reht w/ar, da ertailten di erwerigen havsgnozzen der br/if ch/am f/vr vnd w/urd gelesen vnd nach des br/iefs sag gesch/ach dann waz reht w/ar. Der br/if chom f/ur vnd ward gelesen vnd der sagt auch, als der vorgenant spitalmaister f/ur het gegeben; vnd der pat im danach seins br/ifs sag fragen, waz nv reht w/ar, da vragt ich waz reht w/ar; da ertailten di erwerigen hausgnozzen, man scholt irn weinmaister vnd drey erwerig weinz/yrl von gerichtz wegen darzu schaffen, daz si den vorgenanten weingarten mit sampt dem winthaus beschavten vnd darnach wider f/ur reht ch/amen, vnd nach irer sag gesch/ach dann waz reht w/ar. Darnach auf di virzehen tag chom der vorgenant spitalmaister wider f/ur mich, da ich saz an offem gericht vnd pat im ein vrtail lazzen wern, man scholt den erwerigen weinz/vrln, di auf der beschawvng w/arn gewesen nv wol zu sprechen vnd nach irer sag gesch/ach dann waz reht w/ar, gab volg vnd frag den spr/ach ich darvmb zv vnd den sprach ich darvmb zv, vnd di sagten als si ze reht scholten, der vorgenant weingarten vnd daz winthaus, daz darzv geh/ort, l/ag pawlos vnd w/ar allez pawfellich warn nach dez br/ifs sag, den der vorgenant spitalmaister dar/vber inn hiet, vnd der pat im avch darnach fragen, waz nv reht w/ar, da vragt ich waz recht w/ar, da ertailten di erwerigen hausgnozzen, man scholt avch nv den vorgenanten spitalmaister dez egenanten weingarten mit sampt dem winthavs vnd swaz darzv geh/ort gewaltich tvn vnd in nutzz vnd in gewir setzzen als anderer seiner aygen hab, der richter mit dem stab vnd der fronpot mit der hant, vnd daz geschach avch allez als reht waz. Darnach pat in der offt genant spitalmaister ein vrtail lazzen worn ich scholt im nv wol der gerichten behabten sache einen gerichtbr/if geben versigelt mit meinem insigel, vnd daz gab im avch allez volg vnd frag als reht waz. Vnd bey der gerichten sache sint gewesen: Chvnr(ad) der Wutzzenhofer, Vlreich der Mekkenhausar, Albreht auf dem Wey/ar, Chvnr(ad) der Sall/ar, Dietrich der Papp vnd Otten A/lbel, vnd Hainr(eich) der Wintzzer/ar, vnd Albreht der fronpot. Vnd daz ist geschehen nach Christes gep/urtt warn drevzehenhvndert jar vnd in dem drevvndsibentzgisten jar des n/achsten montags nach sand Niclas tag.