Nos Hainricus dei gratia abbas totusque conventus monasterii sancti Emmerammi Rat(isponensis) constare :I volumus universis presencia inspecturis, quod nos urgentibus gravissimis debitorum omnibus tempore quondam Karuli predecessoris nostri contractorum sub illis penis, quod statim propter solucionem eorundem debitorum obstagia solvi debeant in nostrum et ecclesie nostre dampnum, provida et matura deliberacione perhabita accedente licencia et consensu reverendi patris et domini nostri Chvnr(adus) venerabili episcopi Rat(ispone), curiam nostram in Hard et montem qui dicitur Awnperch cum rubetis et lignis in loco qui nominatur Cholchperch, cum omnibus iuribus eorundem bonorum utilitatibusa, pascuis et aliis pertinenciis quibuscumque, cultis et incultis, quesitis et inquirendis, iure ac tytulo proprietatis quo nos et ipsa ecclesia nostra eadem bona per plures annos hactenus possedimus et tenuimus, discretis viris fratri Livpoldo magistro et conventui fratrum hospitalis sancte Katerine in pede pontis Rat(ispone) vendidimus, tradidimus et assignavimus tenenda et possidenda exnunc inantea ab eisdem pro octuaginta octa libris denariorum Ratspon(ensium) quatenus ab eisdem hospitalariis in pecunia numerata recepimus sub hiis condicionibus sive pactis, quod nobis seu successoribus nostris liberum sit et esse debeat reemendi seu recuperandi a dictis hospitalariis omnia et singula bona premissa, cum iuribus et attinenciis eorundem sine capcione qualibet, pro pecunia consimilis numeri et valoris quandocumque seu quocumque anni tempore id nobis seu nostris successoribus visum fuerit expedire, adiectum est eciam, quod iura precaria, que Cincero et Slehtenleiterius in Awnperch et in lignis prescriptis habent, secundum formam contractuum inter nos et eosdem dudum habitorum eisdem personis ab ipsis hospitalæriis rata et inviolabilia servabuntur. Siquidem eciam ipsi hospitalærii inter tempora vendicionis et reempcionis in edificiis necessariiis inpenderint bonis prescriptis sic tamen quod eedem inpense summam trium librarum denariorum Ratispon(ensium) non excedant, hoc sine inpensas easdem dictis hospitalæriis tempore reempcionis faciende tenebimur restituere cum pecunia capitali, villicus eciam qui curiam predictam in Hard iam permultos annos nomine nostro excoluit et nobis de eadem servivit, de omnibus iuribus quocumque dictatur (?) nomine que sibi occasioneb culture eiusdem curie hactenus per ipsum facte videbantur conpetere, expeditus est per nos ad presens et renunciavit eisdem in totum propter quatuor libras denariorum Ratispon(ensium) quas eidem villico dedimus in pecunia nummerata. Et quia tempore presentis contractus sepedicti hospitalærii, nec fenum, nec semina, nec alia que ad expedicionem curiarum que wulgariter hofgeriht dicuntur, de conswetudine requiruntur a nobis receperunt nec invenerunt in curia nominata. Si predicta bona nos ab ipsis reemere seu recuperare contigerit eciam quandocumque, illa repetere non habebimus ab eis nec ipsi ad hec erunt aliqualiter obligati, sed solummodo de hiemali agricultura proventus seu fructus salvo iure coloni qui de eisdem proveniunt tempore messuum nobis solvent. In cuius vendicionis et ratihabicionis testimonium presentes dedimus litteras dicti domini nostri episcopi nostrorumque videlicet abbatis et conventus sygillorum municione roboratas. Huius rei testes sunt: dominus Albertus capellarius domini episcopi, magister Gregorius, magister Syfridus dictus Pennz, Chvnr(adus) Dens schultetus Rat(ispone), Chvnr(adus) Gvmpertus, Ȋrtlinus Gumpertus, Hainricus Ingolsteterius, Albertus Gemlingerius, Rȅdgerus Lȃblinus, Hermannus dictus Ganzgewel, dominus Reicherus, Wernherus WintzrȎr, Chunr(adus) RehtzȎr, Rvdgerus BȅrgȎr, Haitvolchvs, Albertus MȅschȎr, Hainr(icus) WagnȎr, Hainr(icus) Savtzermann, Rvdgerus de Bvtzenhofen, Eppo de Ahbach et quam plures fide digni. Datum et actum Rat(ispone) anno domini Mo CCCo sexto, in die beati Mathie apostoli.