Ich Albreht von Pultzhaim tvn kunt allen den, die disen brief sehent, h/o:Irent oder lesent, daz ich meinn hof, der gelegen ist vor dem Rava'ch, gehaizzen der Haimpretzhof, verchavft han fvr rehtes vnd fvr vreies eigen vnd swaz dozvgeh/ort, besvht vnd vnbesvht, frowen Irmgarden von Regeldorf, hern Albrehtes des Techintz swester von Swainkendorf, vmb ains vnd zwainzich pfvnt Regnspurga'r m/vnzze, mit der bescheidenhait, daz ich ir den egenanten hof versten vnd versprechen sol ob siv ieman dovmb anspra'che, an alle widerred; vnd dovmb han ich ir gesetzet ze borgen, meinen vetern hern Hainrich von Pvltzhaim, Otten den Wolf von Sch/onnleiten, Pvrchart von Holtzhaim, Rugern den kaiser von Lengnuelt, alle vier zveinander vnuerschaidenleich ob div oftegenanten vrowen Irmgarden vmb den dikgenante hof iemant anspra'che, swelichen schaden si des na'm, svln si ir ablegen als aigens reht ist, an alle widerrede. Daz ir daz also sta't vnd vnzerbrochen beleib, gib ich ir disen brief versigelten mit hern Hainrichs insigel von Pultzhaim, meins vetern, der der borgen ainer ist. Diser rede vnd chavffes sint gezivg: her Albreht der techint von Swainkendorif, Fridreich von Rega'ldorf, sein bruder Kora'l von Haimsakka'r, Hainrich von V/ihouen, Haim vf der Risen, Eysenreich vnd Hainrich von Rega'ldorf, Hainrich der tor, Chvnrat der zimmerman von Regeldorf vnd ander bideber levt genvch. Daz ist geschehen do von Christes gebvrt worn drivzehenhvndert jar vnd donach in dem fvmften jar an sende Michelstage.