Ich Hainrich von Vronperig vergih vnd tvn kvnt allen den, die disen gagenw[u]rtigen brief ansehent oder h/orent lesen, daz der ersam :I man pr*uder Livpolt, mayster in dem spytal meiner vrowen sent Kathrein an den f/vzz der prukk ze Regenspurch, mit gemainem rat ter br/uder desselben conuentes, ein vogtay von hern Levtwein dem altem rihter ze Swainkendorf vnd von seiner hovsvrown Elspeten /vber drei h/of ze Chrondorf vnd /vber ander gvt daz dozv geh/ort, gechavfft hat vmb ainlif pfvnt vnd vmb sehtzich pfenning Regenspvrger m/vncze, der er in erlich vnd schon gewert hat. Ez ist avch derselb chavf geschehen mit meinem willen vnd mit meinem wortt, won er dieselben vogtay von mir ze lehen het. Ich han avch dem vorgenantem spytal ze einer fvda'rvnge getan, daz ich dieselben lehenschaft dem erba'rm manne, hern Otten an dem marckt, bvrga'r datz Swainkendorf verlihen han, mit der bescheidenhait, daz er des vorgenanten conuentes des spytals ze Regenspvrch derselben lehenschaft an der vogtay traga'r sei ttach seinen triwen so er beste kan, avch wa'r daz, daz der vorgnant Ott dem mayster oder dem conuentt ze einem traga'r niht geviel vnd si in verkeren wolten, von swelihen sachen daz ch/om, des sol er in niht versten, er lazz in div lehenschaft ledich an alles geva'rde vnd chriek, vnd widerred. Avch sol man erkennen ob gerot /vber den vorgenanten Otten pivtt, daz er niht en ist, sover danne mayster ist in dem dikkgenantem spyral ze Regnspvrch, der sol nach des conventes rat einen erba'rn man welen der dem hvs vnd avch mir divselb lehenschaft f/vg ze tragen vnd sol avch och vnd mein nahkomen divselben lehenschaft leihen demselbem vnd swem si siv fvrbaz haissent leihen an allen chr/iek vnd widerred. Daz ez also sta't vnd vnzerbrochen beleibe als vor geschriben stat, gib ich Hainrich von Vronperig dem dikkgnanten spytal ze Regenspvrch ze einem vrkvnde disen br/ief mit mein insigel versigelt. Des sint zivge: her Albreht der techint von Swainkendorf, her Vlrich der alt marschalch von Nabekk, her Herman sein svn, Lvdweich der rihter von Swainkendorf, Vlschalch der Hainreichsrivta'r, Chvnrat der Zena'l, Chvnrat sein eydem, Hainrich der P/vtzla'r, Hainrich von Weihenlo vnd anderr frvmer levt vil. Daz ist geschehen do von Christes geb/vrtt worn drivzehenhvndert jar darnach in dem sehstem jar an sand Vrbans tag des heiligen martera'rs.