Ich Hainreich Vischer, purger z/v Cheschingen vnd ich Walpurg sein eleichew :I hausfrawen vnd /vnser peder erben wechennen offenleich mit dem briff vmb daz spitol z/v sand kathrein z/u Regenspurch aygen g/ut daz gelegen ist zu Cheschingen, daz weylnt der Potzl gep/awt hat daz mir daz der spitolmaister z/v sand Kathrein z/u Regenspurch, genant der Martein Gebenpekh, gelazzenn hat mit vollem gewalt von dez obgenanten spitolz wegen, alz aller freys/azzen g/ut recht ist vnd sol alle jar j/arleich in ir stifft gen, vnd ob daz wer, daz ich niht g/uter pa/wman m/oht gesein auf dem vorgenanten g/ut vnd dem nicht wol vor m/oht gesein vnd mich der spitolmayster ab hiezz faren , vnd davonfaren m/ust, daz ich vnd mein erben dann dem vorgenanten spitol daz obgenant g/ut sol lazzen ligen, wesenleich vnd p/awleich, alz man dann von rechtz wegen alle freys7azz g/ut sol lazzen ligen; vnd sol daz t/un an allez widersprechen vnd hindern/uzz, vnd sol f/urbazz er dahin dhain ansprach noch fodrung nimmer mer haben, mit recht noch an recht, gaystleich noch werltleich, in dhainer weizz. Dez z/u /vrch/und geben wir in den brief versigelt mit der purger dez markhtz z/u Chesching anhangundem insigel, daz si doran gehangen haben z/u einer zewkhn/uzz durch /vnser vleizziger gepet willenn, den andern p/urgern vnd dem markht daselbst an allenn schaden, dor/vnder wir /vns verpinden mit /vnsern trewn an aydez stat allez daz st/at ze halten vnd w/or ze lazzenn daz geschriben stet an dem brief, der gegeben ist, dez pfintztagz nach mittervasten anno domini millesimo CCCo nonagesimo sexto.