Charter: Urkunden Altstadt Hildesheim B III 30-2
Signature: B III 30-2
Add bookmark
Edit charter (old editor)
1525 Juni 24
Der Hildesheimer Bürger Tönnies Blome leiht von dem Bürger in Hannover Hans Remerdes 110 Gulden, wofür er ihm als Sicherheit und zur Verzinsung einen Brief des Hildesheimer Rates über 220 Pfund Kapital und elf Pfund jährlicher Zinsen überlassen hat. Er kann den Brief jederzeit nach Kündigung zu Ostern zum folgenden Johannistag zu Mittsommer durch Rückzahlung des Kapitals und der ausstehenden Zinsen zurückkaufen. Material: Pergament
Dimensions: 29,6 x 12,4
Ick Tonnies Blome, borger tho Hildensem, bekenne openbar in dussem breve vor my, myne erven unde alsweme, dat ick van dem ersamen Hans Remers, borger tho Honover, tho guder genoge upgenomen unde entffangen hebbe hündert unde teyn gulden munte, jo vortich matiergrossen vor juwelcken gulden tho rekende, de ick in myn unde myner erven nüth unde beste gewandt. Hirvor hebbe ick ome vorseth, vorpandet unde beneffen dussem breve overgeanthwort eynen breff van dem ersamen rade tho Hildensem vorsegelth, sprekende up twehundert unde twyntich punt hovetstoels erer nigen pennynghe unde elven punt dersulfftigen nigen pennynge tynßes na lude unnde inholde dessulfftigen breves, so dat de vorbenompte Hanß Remers, synen erven offte holder dusses breves midt orem guden willenn schullen moden in myn unde myner erven stede de tynße darvan inthomanende, upthoborende unde tho entffangende sunder myn edder myner erven wedersprake noch jemmendes vorboth, solange ick edder myne erven dem vorbenompten Hans Remerdes edder synen medebenompten sodane hundert unde teyn gulden munte wo vorbenompt weder tho dancke sindt vornogeth unde betaldt. Doch hebbe ick vor my unde myne erven de macht unde gnade beholdenn in dussem sulfftigenn breve, dat wy alle jar, wan uns beleveth, mogen sodanen breff weder tho uns kopenn, unde wan wy dat doynn willen, schullenn wy dem vorbenompten Hans Remerdes edder synen medebenompten eynen rechte lose kundigenn in den veer hilligen dagen tho Paschenn, unde geven one denne darna sodane teyn gulden unde hundert munte hovetstoels wu vorbenompt in eynem hope midt allen bedageden unde nastendigen tynßenn bynnen der Oldenstadt Honover up sunte Johannis dach tho Middensommer der losekundige negest volgende. Alle artikel dusses breves wu vorbenompt love ick Tonnies Blome vor my unde myne erven dem vorbenompten Hans Remerdes unde synenn medebenompten in guden waren truwen sunder jenich argelist noch behelp wol tho holdende. Unde des tho warer orkunde hebbe ick myn rechte ingesegel witlikenn gehangenn beneden an dussen breff, na Christi geborth Viffteynnhundert darna in dem viffundetwyntigestenn jare, am Johannis Baptiste des dopers.
Language:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}