Charter: Utrkunden Kapelle St. Cyriaki B II 28-2
Signature: B II 28-2
Add bookmark
Edit charter (old editor)
1503 Dezember 13
Der Rat der fünf Weichbilder in Braunschweig verschreibt Lüder Braunschweig, Kanoniker am Heilig-Kreuzstift in Hildesheim, als Inhaber des Fronleichnamsaltars in der Kapelle St. Cyriakus ebendort eine jährliche Rente von viereinhalb rheinischen Gulden auf ein Kapital von 100 Gulden, jährlich zu Martini aus ihrem Stadtschoß zu entrichten. Sie behalten sich ein Rückkaufsrecht bei einer vierteljährigen Kündigung vor. Material: Papier
Dimensions: 21,0 x 32,4
Wy de ghemene radtt der stadtt tho Brunßwick in allen vyff wicbelden bekennen openbar in dusßem breve vor uns, unße nhakomen, gemenen borghere unde alßweme, dath wy eindrechtliken mith wytschop unde fulborde alle derjhennen, de dath mith uns fulborden scholden, hebben vorkofftt van unßer stadtt weghen unde vorkopen jhegenwardigen in krafft dusßes ßulven breves vor hundert gude Rynsche gulden, de uns alle betaltt in unßer stadt nuth unde fromen wytliken ghekart ßyn, dem erhafftigen heren Ludero Brunswick, canonike der kercken thom Hilligen Cruce in der stadtt tho Hyldesem alße besytter der vicarije offte altars des werdigen hilligen Lychams Cristi in der capellen sancti Ciriaci vor der genanten stadtt Hyldenßem beleghen, dorch de erhafftigen heren Hynricke Korteslippen unde heren Reynerde Hanen prestere ghestiftett, unde ßynen nafolgeren in der ßulven viccarije vefftehalven gude Rynsche gulden jharliker tynße, de wy unde unße nakomen ohne alle jhar van unßer stadtt schote unßer stadtt redesten guderen unde upkomen tho sunthe Martens daghe schullen unde wyllen ane jennigerleye hinder edder vortoch gutliken entrichten unde gheven. Idoch hebben wy uns in dusßem kope den willen unde de macht beholden, dath wy offte unße nakomen dusse veefftehalven Rynsche gulden tinßes van dem genanten heren Ludero Brunswick offte synen nafolgeren der ghedachten vicarije alle jhar wandt unß ghelevett vor hundert gude Rynsche gulden mogen wedderkopen. Wan wy des gheniget ßyn, szo schullen wy unde wyllen ohne dath eyn ferndel jhars thovoren vorkundighen. Na ummekomighe des ferndel jars schullen wy unde wyllen ohne dath vorkundigede goldt alße hundert Rynsche gulden sampt den vorschuldeden unde bedageden tinßen goitliken vornoigen unde overtellen. Dath ßodans alle wu boven berorth van uns unde unßen nakomen stede, vasth, ahne jenigerleie listh offte hulperede schal gheholden werden, hebben wy des tho forderer orkunde unde merer bestendicheit unße stadtt inghezegelle nedden ahn dusßen breyff wittlyken dhon hangen, nach Christi unßes heren geborth Veffteynhundertt unde dre jhare, am daghe sancte Lucie virginis et martiris.
Language:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}