Charter: Urkunden Kongregation im Lüchtenhof B I 18-1
Signature: B I 18-1
Add bookmark
Edit charter (old editor)
1531 April 10
Hilmar von Steinberg, Sohn des verstorbenen Henning, bekennt Pater, Prokurator und Gemeinschaft Unserer Lieben Frauen im Brühl vor Hildesheim eine Schuld von 20 Goldgulden, für welche er ihnen für drei Jahre ein Viertel der Schäferei, einen halben Meierhof sowie zwei Kothöfe, die von Henning Bigenum und Hermann Hecke bewirtschaftet werden, alles in Hakenstedt, als Unterpfand setzt. Die nächsten drei Jahre lang bleibt das Darlehen zinsfrei, danach soll es mit einem Gulden jährlich verzinst werden. Material: Pergament
Dimensions: 23,8 x 16,7
Ick Hilmer van Steynberge, Henninges ßeliger sonne, bekenne openbar vor my, myne rechten erven unde alßwemme, dath ick den werdigen heren patri, procuratori unde gantzer vorsammelunge Unser Leven Fruwen in der congregation in dem Brule vor Hildensem belegen rechter, witliker unde bekantliker schult schuldich byn twintich fulwichtige Rinsche goltgulden, de ick van ohne yn eynem summen wol thor noge upgeborth unde entfangen hebbe unde de alßofort in myne unde myner erven nuth unde fromen witliken gekart hebbe, vor welkere twintich goltgulden vorbenomter werunge ick den gedachten heren der congregation unde ohren nakomen vor eyn underpant gesettet unde sette ohne jegenwordigen in craft dusseß breveß dre jar lanck wenthe dath men scriven werth der mynretall vheerundedrittich jar eyn ferndell van der scheperye tho Havekenstede, eynnen halven meygerhoff, ock by dem schaperre, dede allejarlikeß gevet sestehalff molder roggen unde sestehalff molder haveren unde drittich schillinge pennitinße, dar tho twe kothove im sulvigen dorpe belegen, upp deme eynen Henni Bigennum, dem anderen Hermen Hecken ßin besetten. Welkere genanten dre jare vorgedachten heren der congregation schullen unde willen ßodane vorbenanten twyntich goltgulden my unde mynen erven tynseßfry staen lathen. Wen aver de dre jare vorschenen, will ick Hilmer van Steynberge unde myne erven schullen den vorgedachten heren de wile de hovetstoll nicht wedder affgekofft, allejarlikeß ßodan twintich gulden myt eynem goltgulden vortynßen. Woret ock, ick Hilmer van Steynberge in den vorbenomten dren jaren dodeßhalven affgynge - dath godt friste na ßynen gnaden - , schullen vorgedachten heren der congregation sick an ßodanen vorbenanten goderen erhalen unde sick deß understaen, ßo lange se der twintich goltgulden hovetsummen deger unde alle wedder entrichtet unde betalet syn, unde sette se hir mede in der vorbenanten godere fullenkome were. Alle artikel unde puncte dusßeß breveß lave ick Hilmer van Steynberge vor my unde myne erven den veelgedachten heren unde ohren nakomen edder inholder dusseß breveß myt ohren guden wetten willen rechtliken by mynen erhen unde truwen stedevasth unde wol to holdende ßunder jennigerleye behelp offte geverde, unde hebbe deß ihnn orkunde unde merer wissenheit ick Hilmer van Steynberge vor my unde myne erven myn rechte ingesegell witliken an dussen breff doen hengen, gegeven im Vefteynhundersten unde eynundedrittigestenn jare, am mandage in deme hilgen Paschen.
Language:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}