Reverendo in Christo patri et domino, domino dei et apostolice sedis gratia episcopo Hildesemensi eiusque in spiritualibus et temporalibus vicario generali omnibusque aliis et singulis quorum interest, intererit aut interesse quosque infrascriptum tangit negotium seu tangere poterit quomodolibet in futurum communiter vel divisim quibuscumque nominibus ceu se autem aut quarumque prefulgerint dignitate Johannes Weideman decanus ecclesie beate Marie virginis Erfordensis Maguntine diocesis, iudex et executor [ad] infrascripta unacum quibusdam aliis infrascriptis nostris in hac parte collegis cum illa clausula, quatinus ipsi vel duo aut unus eorum per se vel alium seu alios etc., a sede apostolica specialiter deputatus salute[m in] domino et nostris huiusmodi imoverius apostolicis firmiter obedire mandatis. Literas sanctissimi in Christo patris et domini nostri domini Leonis divina providentia pape decimi eius vera bulla plumbea cum filis sericeis rubei croceique celeris more Romane curie impendentibus bullatas, sanas siquidem et integras, non viciatas, non cancallatas neque in aliqua sui parte suspectas, sed omni prorsus vitio et suspicione carentes, ut in eis prima facie apparebat, nobis pro parte venerabilis viri domini Brunonis de Teteleben, rectoris parrochialis ecclesie sanctorum Cosme et Damiani ville Barum Hildesemensis diocesis principalis, in eisdem literis apostolicis principaliter nominati, coram notario publico et testibus infrascriptis presentatas [...] ea qua debuit reverentia noveritis recepisse huiusmodi sub tenore: Leo episcopus servus [servorum] dei dilecto filio Brunoni de Teteleben, rectori parrochialis ecclesie sanctorum Cosme et Damiani ville Barum Hildesemensis diocesis salutem et apostolicam benedictionem. Vite ac morum honestas aliaque laudabilia probitatis virtute merita, super quibus apud nos fidedigno commendaris testimonio, nos inducunt, ut tibi reddamur ad gratiam liberales dividendas. Siquidem omnia beneficia ecclesiastica cum cura et sine cura apud sedem apostolicam tunc vacantia et in antea vacatura collationi et dispositioni nostre reservavimus, decernentes extunc irritum et inane, si secus super hiis a quoquam quavis auctoritate scienter vel ignoranter contingeret attemptari, et deinde parrochiale ecclesia sanctorum Cosme et Damiani ville Barum Hildesemensis diocesis per liberam resignationem dilecti filii Johannis Veltelen, nuper ipsius ecclesie rectoris, de illa de qua alias tunc per obitum quondam Ludolfi Flacken, olim ipsius ecclesie rectoris, extra Romanam curiam defuncti, vacante apostolica sibi fuit auctoritate provisum, et super qua in dicta curia coram certe causarum palatii apostolicum auditore seu locumtenere contra dilecto filios Valentinum de Teteleben et Federicum Weidemeiger pro clericis se gerentes litigando diffinitivam pro se et contra Valentinum et Federicum prefatos reportavit sententiam, que nulla provocative suspensa in rem transivit iudicatam literis executorialibus desuper in forma solita decretis, ipsius ecclesie possessionem per eum non habita in manibus nostris sponte factam et per nos admissam apud sedem predictam vacantem, nos de illa sic vacante et antea dispositioni apostolice reservata dilecto filio Nicolao de Hermerstorff, clerico Misziensis diocesis, sub dato videlicet sexto kalendas maii pontificatus nostri anno quarto concessimus pro meri. Cum autem dictus Nicolaus commissioni gratie huiusmodi literis apostolicis super ea non confectis hodie in eisdem manibus nostris sponte et libere cesserit nosque cessionem ipsam duxerimus admittendam ac propterea ecclesia predicta adhuc ut prefertur vacare noscatur nullusque de illa preter nos hac vice disponere potuerit, que possit reservatione et decreto obsistentibus supradictis, nos tibi premissorum meritorum tuorum intuitu specialem gratiam facere volentes teque a quibusvis excommunicationis, suspentionis et interdicti aliisque ecclesiasticis sententiis, censuris et penis a iure vel ab homine quavis occasione vel causa latis, si quibus quomodolibet innodatus existis, ad effectum presentium dumtaxat consequendum harum serie absolventes et absolutum fore censentes necnon omnia et singula beneficia ecclesiastica cum cura et sine cura, que etiam ex quibusvis dispensationibus apostolicis obtines et expectas ac in quibus et ad que ius tibi quomodolibet competit quecumque, quotcumque et qualiacumque sint eorumque fructuum, reddituum et proventuum veros annuos valores ac huiusmodi dispensationum tenores proventibus pro expressis habentes ecclesiam predictam et eius fructus, redditus et proventus, super quibus prefatus Johannes pensionem annuam sexdecim florenorum auri Renensium sibi apostolica auctoritate reservatam seu reservari concessam percipit, annuatim quatuor marcharum argenti puri secundum communem extimationem valorem annuum ut asseris non excedunt, sine premisso sive alio quovis [...] alterius cuiuscunque persona seu per similem dicti Johannis vel cuiusvis alterius resignationem de illa in Romana curia vel extra eam, etiam coram notario publico et testibus sponte factam aut constitutioni felicis recordationis Johannis pape XXII. predecessoris nostri, que incipt: Execrabilis vel assecutionem alterius beneficii ecclesiastici quavis auctoritate collati vacet, etiam si tanto tempore vacaverit, quod [eius] collatio iuxta Lateranensis statuta concilii ad sedem predictam legitime devoluta ipsaque ecclesia dispositioni [aposto]lice specialiter vel alias generaliter reservata existat et super ea inter aliquos lis, cuius statum presentibus haberi volumus pro expresso, pendeat indecisa, dummodo eius dispositio ad nos [...] pertineat, cum omnibus iuribus et pertinenciis suis apostolica tibi auctoritate conferimus et de illa etiam [...]emus decernente ad executionem sententie et prosecutionem literarum executorialium predictarum, quoad possessionem dicte ecclesie tibi tradendam dumtaxat vivere ac si sententia lata et litere executoriales predicte pro te decrete fuissent, admittendum fore et admitti debere, necnon prout est irritum et inane, si secus super hiis a quoquam quavis auctoritate scienter vel ignoranter attemptatum forsan e[...]emus et imposterum contigerit attemptare. Quocirca venerabili fratri nostro episcopo Cavallicensi et dilectis filiis decano ecclesie beate Marie virginis Erfordensis Maguntine diocesis ac officiali Hil[dese]mensi per apostolica scripta mandamus, quatinus ipsi vel duo aut unus eorum per se vel alium seu alios te vel procuratorem tuum tuo nomine in corporalem possessionem parrochialis ecclesie iuriumque et pertinenti[arum] predictorum inducant auctoritate nostra et defendant inductum, amoto exinde quolibet detentore, ac faciant te vel procuratorem predictum ad executionem, finem et prosecutionem literarum executorialium predictarum quoad possessionem dicte parrochialis ecclesie tibi tradendam, dumtaxat perinde ac si sententia lata et litere executoriales predicte decrete ut prefertur pro te fuissent ut est moris ad in[...]que de ipsius parochialis ecclesie fructibus, redditibus, proventibus, iuribus et obventionibus universis integre responderi, contradictores auctoritate nostra appellatione postposita compescendo, non obsta[ntibus felicis me]morie Bonifacii [pape octavi] etiam predecessoris nostri et aliis apostolicis constitutionibus contrariis quibuscumque. Aut si aliqui super provisionibus sibi faciendis de huiusmodi vel aliis beneficiis ecclesiasticis [...]us [...] specialis vel generalis dicte sedis vel legatorum alias litteras impetrarint, etiam si per eas ad inhibitionem, reservationem et decretum vel alias quomodolibet sit processum, quibus omnibus [...] dicte parrochialis ecclesie volumus anteferri sed mi[....] per hec eis quoad assecurationem beneficiorum aliorum preiudicium, quare seu venerabili fratri nostro episcopo Hildesemensi vel quibus[vis aliis com]muniter vel divisim de eadem sancte sede indultiis [...] vel promisimus [...] minime teneantur et ad [...] aut quidque interdici, suspendi aut excommunicari non possint [...] aliis beneficiis ecclesiasticis ad eorum collationem, provisionem, permutationem seu quamvis aliam dispositionem coniunctim vel seperatim spectantibus nulli valeat provideri per literas apostolicas no[...] expressum ac de verbo ad verbum de indulto huiusmodi mentionem et qualiter alia dicte sedis indulgentia generaliter vel specialiter cuiuscumque tenoris existat, per quam presentibus non expressam vel totaliter non insertam effectus huiusmodi gratie impediri valeat quomodolibet vel differri et de qua cuiusque toto tenore habenda sit in nostris literis mentio specialis. Nulli ergo omnino hominum liceat, hanc paginam nostre collationis, provisionis, decreti et mandati infringere vel ei ausu temerario contraire. Si quis autem hoc attemptare presumpserit, indignationem omnipotentis dei ac beatorum Petri et Pauli apostolorum eius se noverit incursurum. Datum Rome apud sanctum Petrum anno incarnationis dominice Millesimo quingentesimo sextodecimo, pridie idus maii, pontificatus nostri anno quarto. Post quarum quidem literarum apostolicarum presentationem et receptionem nobis et per nos ut premittitur factas fuimus pro parte domini Brunonis de Teteleben, principalis in preinsertis literis apostolicis principaliter nominati, debita cum instantia requisiti, quatinus ad executionem dictarum literarum apostolicarum et contentorum in eisdem procedere dignaremus iuxta traditam seu directam per eas a sede apostolica nobis firmitatem. Nos Johannes Weideman, decanus ecclesie beate Marie virginis Erfordensis Maguntinensis diocesis, iudex et executor prefatus, attendentes requisitionem huiusmodi fore iustam et rationem consonam volentesque mandatum apostolicum nobis in hac parte directum reverenter exequi ut tenemur, idcirco auctoritate apostolica qua fungimur in hac parte prefatum dominum Buronem [!] licet absentem tanquam presentem in corporalem possessionem seu quasi dicte parrochialis ecclesie sanctorum Cosme et Damiani ville Barum Hildisemensis diocesis per prefatum dominum nostrum papam eidem Brunoni collate iuriumque et pertinentiarum omnium eiusdem predictarum literarum apostolicarum traditione posuimus et induximus ponimusque et inducimus ac investimus etiam de eadem presentium per tenorem. Que omnia et singula necnon literas apostolicas huiusmodi et hunc nostrum processum ac omnia et singula in eis contenta vobis omnibus et singulis supradictis, quibus presens noster processus dirigitur, intimamus, insinuamus et notificamus ac ad vestram et cuiuslibet vestrum noticiam deducimus et deduci volumus per presentes vosque nichilominus et vestrum quemlibet tenore presentium requirimus et monemus primo, secundo, tertio et peremptorie communiter vel divisim ac vobis et vestrum cuilibet insolidum in virtute sancte obedientie et sub infrascriptis sententiarum penis districte precipiendo mandamus, quatinus infra sex dierum spatium post presentationem seu notificationem dictarum literarum apostolicarum et presentis nostri processus ac requisitionis vobis seu alteri vestrum factam et postquam pro parte dicti domini Buronis [!] principalis vigore presentium super hoc fueritis requisiti seu alter vestrum fuerit requisitus immediate sequentem, quorum sex dierum duos pro p[ri]mo, duos pro secundo et reliquos duos dies vobis universis et singulis supradictis pro tertio et peremptorio termino ac monitione canonica assignamus, eundem dominum Buronem [!] vel procuratorem suum eius nomine in et ad corporalem, realem et actualem possessionem parrochialis ecclesie iuriumque et pertinentiarum predictorum recipiatis et inducatis et ab aliis recipi et induci faciatis ac inductum defendatis, amoto exinde quolibet illicito detentore, [quem] nos in quantum possumus auctoritate et tenore premissis amovemus et denuntiamus amotum, ac eundem Brunonem vel dictum procuratorem pro eo ad executionem sententie et prosecutionem literarum executorialium predictarum quoad possessionem dicte parrochialis ecclesie sibi tradandum, dumtaxat perinde ac se sup[...]ata et litere executoriales predicte decrete ut prefertur pro ipso Brunone fuissent [...]oris est est [!] admittatis et admitti faciatis, sibique de ipsius parrochialis ecclesie fructibus, redditibus, proventibus, iuribus et obventionibus universis prout ad vos communiter vel divisim respondeatis et faciatis ab aliis ab aliis [!] quantum in vobis est vel fuerit plenarie et integre respond[eri]. Quod si forte premissa omnia et singula non adimpleveritis seu discuteritis contumaciter adimplere mandatisque et monitionibus nostris huiusmodi et monitis apostolicis non paruetis realiter et cum effectu, nos in vos omnes et singulos supradictos, qui culpabiles fueritis in premissis et generaliter in contradictores quoslibet et rebelles ac impedientes ipsum dominum Brunonem principalem vel procuratorem suum eius nomine super premissis in aliquo procedere aut impedimentum dantes [...] consilium vel fa[...]em publice vel occulte, directe vel indirecte, [cui]us quesito colore [vel cuius]que dignitatis, status, gradus, ordinis vel conditionis existant, exnunc prout [extunc ...] monition[is premi]ssa ex[commu]nicationis. In capitula vero conventus et collegia quecumque [...]. ||
||
[Mehrere Vermerke auf der Rückseite, davon allein lesbar:] Jean Bödecker 1817.