Nos Hyronymus Verallus dei et apostolice sedis gratia archiepiscopus Rossanensis ad serenissimum principem Carolum Romanorum imperatorum semper augustum ac illi quecumque ratione sui patrimonii quomodolibet subiecta dominia necnon universam Germaniam sanctissimi domini nostri Pauli episcopi III. et apostolice sedis nuntius cum potestate legati de latere reverendo patri Valentino a Teteleben, episcopo Hildensemensi salutem in domino sempiternam. Personam tuam apostolice sedi, cuius legationis licet insufficientibus meritis fungimur officio, denotam speciali benivolentia prosequente illaque reverentie tue concedamus, que suis commoditatibus fore conspicimus oportuna, dudum siquidem sanctissimus dominus noster Paulus papa III. prefatus omnes dignitates principales in collocatis ecclesiis tunc vacantibus et in antea vacaturis collationi et dispositioni sue reservavit, decernens extunc irritum et inane, quicquid secus super hiis a quoquam quavis auctoritate scienter vel ignoranter contigerit attemptari. Cum itaque prepositura prout accepimus, que inibi dignitas principalis existit collegiate ecclesie sancti Sebastiani Magdeburgensis, quam quondam Joannes de Meyndorff, eiusdem ecclesie prepositus, dum viveret obtinebat, per obitum eiusdem Joannis, qui extra Romanam curiam diem vite sue clausit extremum, vacaverit et vacet ad presens, nos tibi, ut statum tuum iuxta episcopalis dignitatis exigentia decentius tenere voleas de alicuius subventionis auxilio providere premissorumque meritorum tuorum intuitu specialem gratiam facere volentes teque a quibusvis excommunicationis, suspensionis et interdicti aliisque ecclesiasticis sententiis, censuris et penis a iure vel ab homine quavis occasione vel causa latis, si quibus quomodolibet innodatus existis, ad effectum presentium, dumtaxat consequendum harum serie absolventes et absolutum fore censentes, necnon omnia et singula beneficia ecclesiastica cum cura vel sine cura, que in titulum vel commendam obtines ac in quibus et ad que ius tibi competit quecumque, quotcumque et qualiacumque fuit eorumque ac ecclesie tue Hildensemensis, cui preesse dignosceris, fructuum, reddituum et proventuum veros annuos valores ac huiusmodi dispensationis tenores presentibus pro expressis habens, preposituram predictam, que ut prefertur dignitas in dicta ecclesia principalis existit et cuius fructus, redditus et proventus duodecim marcarum argenti puri secundum communem extimationem valorem annuum ut asseris non excedunt, sive ut premittitur sive aliis quovismodo aut ex alterius cuiuscumque persona seu per liberam dicti Joannis defuncti vel cuiusvis alterius de illa extra dictam curiam, etiam coram notario publico et testibus sponte factam resignationem aut assecutionem alterius beneficii ecclesiastici quavis auctoritate collati vacet, etiam si tanto tempore vacaverit, quod eius collocatio iuxta Lateranensis statuta concilii ad eandem sedem est legittime devoluta dictaque prepositura dispositioni apostolice specialiter vel alias generaliter reservata existat et super ea inter aliquos lis, cuius statum presentibus haberi volumus pro expresso, pendeat indecisa, dummodo tempore date presentium non sit in ea alicui specialiter ius quesitum, cum omnibus iuribus et pertinentiis suis universis tibi per te quoad vixeris unacum dicta ecclesia Hildensemensi, cui preesse dinosceris, ac singulis aliis beneficiis ecclesiasticis cum vel sine cura secularibus et quorumvis ordinum regularibus, que in titulum vel commendam obtines et in posterum obtinebis tenendum, regendum et gubernandum, ita quod debitis et consuetis dicte prepositure supportatis oneribus de residuis illius fructibus, redditibus et proventibus disponere et ordinare libere et licite valeas, sicuti prepositura huiusmodi pro tempore obtinens, de illa disponere et ordinare potuerunt seu etiam debuerunt alie nationis tamen quorumcumque bonorum immobilium et preciosorum mobilium dicte prepositure tibi penitus interdicta autoritate apostolica nobis concessa et commissa qua fungimur in hac parte tenore presentium commendamus decernens exnunc irritum et inane, quicquid secus super hiis a quoquam quavis auctoritate scienter vel ignoranter contigerit attemptari. Quocirca discretis viris decano collegiate ecclesie sancti Petri prope et extra muros Maguntinensis ac Maguntinensi et Magdeburgensi officialibus per presentes mandamus, quatinus ipsi vel duo aut unus eorum per se vel alium seu alios te vel procuratorem tuum tuo nomine in corporalem possessionem prepositure iuriumque et pertinentium predictorum inducunt auctoritate predicta et defendant inductum, amoto exinde quolibet illicito detentore, ac faciant te vel pro te procuratorem predictum ad preposituram huiusmodi ut est moris admitti tibique de illius fructibus, redditibus, proventibus, iuribus et obventionibus universis integre responderi, contradictores per censuram ecclesiasticam eadem auctoritate appellatione postposita compescendo, non obstante felicis recordationis Bonifatii pape VIII. aliisque constitutionibus et ordinationibus apostolicis ac statutis et consuetudinibus dicte ecclesie sancti Sebastiani, etiam iuramento confirmatione apostolica vel quavis firmitate alia roboratis ceterisque contrariis quibuscumque, aut si aliqui de dignitatibus dicte ecclesie vel aliis beneficiis ecclesiasticis in istis partibus speciales vel generales dicte sedis vel legatorum eius literas impetrarint, etiam si per eas ad inhibitionem, reservationem et decretum vel alias quomodolibet sit processum, quibus omnibus te in assecutione dicte prepositure volumus anteferri, sed nullum per hoc eis quoad assecutionem dignitatum et beneficiorum aliorum preiudicium generari, seu si reverendi patri archiepiscopo Magdeburgensi et dilectis nobis in Christo capitulo dicte ecclesie sancti Sebastiani vel quibusvis aliis communiter vel divisim ab eadem sit sede indultum, quod ad receptionem vel provisionem alicuius minime teneantur eta[...], compelli aut quod interdici, suspendi vel excommunicari non possint quodque de dignitatibus dicte ecclesie vel aliis beneficiis ecclesiasticis ad eorum collationem, provisionem, presentationem, electionem seu quamvis aliam dispositionem coniunctim vel separatim spectantibus nulli valeat provideri per literas apostolicas non faciendo, plenam et expressam ac de verbo ad verbum de indulto huiusmodi mentionem et qualibet alia dicte sedis indulgentia generali vel speciali cuiuscumque tenoris existat, per quam presentibus non expressam vel totaliter non insertam effectus huiusmodi gratie impediri valeat quomodolibet vel differri et de qua cuiusque toto tenore habenda sit in nostris literis mentio specialis seu si presens non fueris ad prestandum de observandis statutis et consuetudinibus dicte ecclesie, solitum iuramentum dummodo in absentia tua per procuratorem ydoneum, et cum ad ecclesiam ipsam accesseris corporaliter, illud prestes. Datum Brugis Tornacensis diocesis anno dominice incarnationis Millesimo quingentesimo quadragesimo quinto, pridie idus novembris, pontificatus eiusdem domini nostri Pauli pape III. anno duodecimo. ||
||
[Autograph:] + Hier[onymus] archiepiscopus Rossanensis hunc ssst. gratis ssst. ||
[Kanzleivermerk:] Jo[hannes] Bap[tis]ta secretarius fide Prado Calderon ||
[auf der Rückseite:] R[eg]i[stra]to secundo Leo c c Lum F. Hochtmans