In nomine domini amen. Anno a nativitate eiusdem Millesimo quingentesimo undecimo, indictione decimaquarta, die vero sabbati vicesimaprima mensis decembris, hora vespertina vel quasi, pontificatus sanctissimi in Christo patris et domini nostri domini Julii divina providentia pape secundi anno eius octavo, in mei notarii publici et testium infrascriptorum ad hoc specialiter vocatorum et rogatorum presentia personaliter constituti providi Olven et Henningh Hartman fratres, non vi, metu vel violentia coacti nec dolo, fraude aut aliqua alia sinistra machinatione interveniente seducti aut circumventi, sed sponte, libere ex eorum certis scientiis animisque plene ut apparuit deliberatis omnibus melioribus modo, via, jure, causa et forma, quibus melius potuerunt et debuerunt pro se ipsis ac heredum eorum nomine ut asseruerunt mansum terre arabilis cum curia necnon usu ligni, vulgariter Echtwort, sita in terminis et campis ville Huddessem cum omnibus et singulis iuribus, proprietatibus, munimentis, litteris ac instrumentis tam publicis quam privatis ad mansum antedictum cum suis attinentiis condita, confecta et sigillata ac prefatis dictis den Hartmen a Cordt Welinck et Hinrich Kinderdinck uti veri heredes pro octuaginta florenis et septuaginta talentis Lubicensibus positis et impignoratis, quorum solutionem realem in prompta et numerata pecunia ad se receperunt et cuilibet eorum receperit ac pure, libere et simpliciter stipulans et recipiens vice et nomine omnium et singulorum quorum interest, intererit seu interesse poterit quomodolibet in futurum duxerunt resignandum et renunctiandum ac resignaverunt et renunctiaverunt et cuilibet eorum renunctiavit et resignavit per presens publicum instrumentum ac transferens omne ius, proprietatem, possessionem et dominium antedictorum bonorum impignoratorum a se ad prenominatos redimitores ac heredes eorum necnon inducando eosdem in pacificam et quietam possessionem sepedictorum bonorum, uti et quemadmodum ante impignorationem huiusmodi fuerunt et habuerunt. Demum vero sepedicti Olven et Henningh Hartman ex una et Cordt Welinck ac Hinrich Kinderdinck ex altera habitis hincinde altercationibus de septuaginta talentis Lubicensibus, Cordt Hartman uti herede antedictorum bonorum ab antedictis den Hartman concessis et accomodatis ut desuper dixerunt haberi et contineri in litteris per reverendum in Christo patrem dominum abbatem monasterii sancti Michaelis ordinis sancti Benedicti uti veri et primi ad supradicta bona domini sigillatis atque datis, qui nichilominus heres minime fuit nec hodie est. Et sepedicti de Hartmen cognoscentes eius fraudulentias et deceptiones ideo antedictam pecuniam scilicet septuaginta talenta Lubicensia a sepedicto Cordt Hartman petere et postulare vellent et minime bona prehabita super nominata pecunia gravare seu molestare, renunctiantes nichilominus supranominati Olven et Henningh Hartman exceptioni doli, mali, vis, metus, fraude, conditionis indebite non sic initi, contractus aliter fuisse dictum quam scriptum et econtra omnibusque aliis et singulis contradictionibus, quibus se contra premissa vel aliqua premissorum defendere possent seu quomodolibet tueri. In quorum omnium et singulorum premissorum ego notarius infrascriptus requisitus, quatenus super huiusmodi conficerem instrumentum et instrumenta tot quot forent necessaria et oportuna. Acta atque facta fuerunt hec Hildensem in monasterio sancti Michaelis ordinis sancti Benedicti sub anno, indictione, die, mense, hora et pontificatu quibus supra, presentibus ibidem provido et laborioso viris Hansone Huddessem et Hinrico Hartman, laycis Hildensemensis diocesis, testibus ad premissa vocatis specialiter atque rogatis.||
Et ego Johannes Edessem, clericus Maguntinis diocesis, publicus sacra apostolica auctoritate notarius, quia dictorum bonorum resignationi, renunctiationi omnibusque aliis et singulis premissis dum sit ut premittitur fierent et agerentur una cum prenominatis testibus presens interfui eaque omnia et singula sic fieri vidi et audivi ac in notam sumpsi, ex qua presens publicum instrumentum manu mea propria fideliter conscriptum confeci, subscripsi, publicavi et in hanc formam publicam redegi, signoque, nomine et cognomine meis solitis et consuetis signavi in fidem et evidens testimonium omnium et singulorum premissorum rogatus et legitime requisitus.||