Omnibus hoc presens scriptum intuentibus innotescat, quod V^oIricus Vitulus de Purchusen^a per bonas ammonitiones et sancti I spiritus infusionem libero animo deliberavit cum venerabili domino abbate Walthero de Raitenbaslach^b sic, quod si absque testamento decesserit, quod deus avertat, eidem claustro predium Vberachir adiacens, quod vulgo super Puhil dicitur, deputavit, quod predium singulis annis XLa denarios solvit. Si vero cum bono testamento decesserit, immo ipso vita superstite X libras, cum quibus aliud predium comparent loco predicti predii, exsolvet. Ceterum est, quod prefatus dominus abbas Vlrico firmiter laudavit e converso, quod, ubicumque debitum humane carnis resolverit, sibi concedat sepulturam ad claustrum prenominatum. Insuper idem V^olricus, si decesserit sine testamento, ordinavit de quadam curte sua Horbach, quod singulis annis de eadem una libra Ratisponensium solvatur, que pauperibus erogetur; attamen dominus abbas laudavit, quo virum fidelem et providum super eandem curiam constituat, qui hanc elemosinam in memoriam et salutem anime ipsius tribuat, sicut superius est distinctum, videlicet in festo beati Mychahelis. Item Ranshouen deputavit quoddam predium prope Mowerchirchen^c, quod Biburch nuncupatur, quod singulis annis LX^a denarios solvit, si decesserit absque testamento. Pro obligationibus domini abbatis de Pộvren et claustri eiusdem ad consilium sepedicti abbatis de Raitenhaslach^b, secundum quod eum adhoc super hiis induxerit, de bona voluntate libenter cupit adimplere tali tamen pacto mediante, quod si prenominato abbati in eisdem obligationibus in tantum relaxaverit, alia bona possideat sine peccato. Super obligationibus domine de Vttendorf etiam ad informationem et consilium sepedicti abbatis in relaxando procedet. Preterea eadem nobilis absque pignore in XXXVIII libris Salzburgensium tenetur eidem, quas ipsirelaxat, si decesserit absque testamento. Quandocumque obligationes suas redimiere voluerit, remittet quod competens poterit placere. Item a dominis de Schộvnberch^d obligationes possidet pro LX^a libris Ratisponensium et curiam pro XXV libris Salzburgensium, quam solutam dimittet, dum se presentaverit presentie ipsorum. Quod si medio tempore finierit vitam, X libras Ratisponensium in obligationibus ipsorum eis relaxabit. Item a dominis de Leunberch possidet obligationes pro XXX libris Ratisponensium et XXVII libris Salzburgensium. Quod si decesserit, easdem XXVII libras Salzburgensium et X libras Ratisponensium etiam remittet eisdem. Item a domino de Ahaym^e obligationibus utitur pro XXIIII libris Salzburgensium, cui VIII libras remittet. A fratribus de Vnchusen pro X libris Ratisponensium obligationes possidet, quibus III libras relaxabit. Item a pueris Stempfarii curiam possidet iure obligationis pro VIII libris Ratisponensium et VIII libris Salzburgensium, quibus VIII libras Salzburgensium remittet. Hec omnia fient, si decesserit sine testamento. Item a domino episcopo Salzburgensi obligationes possidet pro C libris Salzburgensium, que sunt penitus inculte et desolate. Item ad ecclesiam saneti Iacobi in Purch(usen), videlicet ad opus illius ecclesie, III libras constituit Salzburgensium, plebano etiam tunc supervivente XII solidos Salzburgensium et provisoribus eiusdem tunc temporis dimidiam libram. Quod si, ut sepius prenotavimus, absque testamento viam universe carnis fuerit ingressus, predieta pecunia super estuario ipsius requiratur et estuarium loco eorundem denariorum habeatur causa pignoris, quousque persolvantur. Preterea de minoribus factis et obligationibus ac aliis suis peccatis sive malis deo omnipotenti satisfacere est paratus ex permissione divina et dementia salvatoris lesu Christi concedente. Hec omnia ab ipso rata et firma tenentur, nisi infortunio et sinistris eventibus vel a domino duce sive paupertate grandi preventa ab predictis bonis supramemoratis sequestretur.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 233, S. 190-192