Frater Chunradus^a abbas in Raitenhaslach totusque conventus eiusdem ecclesie singulorum et universorum noticie tenore presentium declaramus, quod nos unanimi consilio ac consensu fratrem Wernhardum^b priorem nostrum et fratrem Heinricum^c cellerarium nostrum constituimus procuratores nostros in presentia domini Friderici^d venerabilis episcopi Salzburgensis vel iudicibus ab eo delegatis in causa, que vertitur sive verti speratur inter nos nomine ecclesie nostre ex parte una et dominum Ottonem^e de Walde ex parte altera, dantes eis auctoritatem et potestatem agendi, excipiendi, replicandi, appellandi et prorogandi, potestatem faciendi, que verus et legitimus debet facere procurator, gratum et ratum habituri, quicquid per ipsos super premissis in prefata causa fuerit ordinatum. In huius rei evidens testimonium presentes eis literas sub sigilli nostri munimine dedimus roboratas. Dat. etc.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 336, S. 269